Vjen një moment që yjet e Hollywood-it vendosin që të marrin një vendim për veten dhe për karrierën e tyre, disa vendosin të largohen përkohësisht dhe disa përgjithmonë. Kur themi përgjithmonë nënkuptojmë mbylljen e një kapitulli dhe fillimin e diçkaje krejtësisht të re. Konkretisht këngëtarja, Selena Gomez është gati t’i japë lamtumirën Hollywood-it.

Aktorja zbuloi se dëshiron të martohet dhe të bëhet nënë dhe ajo është e përgatitur të largohet nga aktrimi për t’u fokusuar në jetën e saj personale. Ylli i “Only Murders in the Building” bëri njoftimin në episodin e së premtes në “Giving Back Generation”.

Shpresoj që të martohem dhe të bëhem nënë. Përfundimisht, do të jem e lodhur nga e gjithë kjo, kështu që ndoshta do t’i kushtoj pjesën më të madhe të jetës sime.

Nuk është hera e parë që këngëtarja e talentuar flet për planet për të pasur familje. Gjatë një paraqitjeje në qershor në emisionin e The Hollywood Reporter “Awards Chatter”, Gomez tha se shpërngulja e saj nga Texasi në Hollywood e bëri atë të mendonte më shumë për fëmijët.

Unë do të kisha katër fëmijë, me siguri. Ndoshta jo e planifikuar, ndoshta e planifikuar, ndoshta të dyja. Dhe nuk ka asgjë të keqe me jetën që do të kisha bërë.

Vlen të theksohet gjithashtu se së fundmi Selena është komentuar shumë për një lidhje dashurie që mund të ketë nisur me producentin italian, Andrea Iervolino.Ne ende nuk kemi një reagim nga vetë ajo në lidhje me këto lajme që po qarkullojnë.