Një skeç i ndaluar i “Teletubbies” i titulluar “The Lion and The Bear”, është zbuluar pas dekadash. Një version i pacensuruar i cili është i vitit 1997, është publikuar në kanalin YouTube. “The Teletubbies” ishte një program i dashur televiziv britanik për fëmijë rreth katër personazheve shumëngjyrëshe, Tinky Winky, Laa-Laa, Dipsy dhe Po të cilët shëtisin rreth një peisazhi me lule sa herë që nuk rrinin në shtëpinë e tyre tokësore, ‘Tubbytronic Superdome’.

Seriali origjinal u shfaq nga viti 1997 deri në vitin 2001. Kushdo që e ndoqi serialin mund të kujtojë se ishte qesharake, plot ngjyra dhe edukative, por zakonisht jo e frikshme. Megjithatë, një skeç i “The Teletubbies” i cili u transmetua në vitin 1997 ishte në të vërtetë aq i tmerrshëm sa u ndalua në disa vende të botës.

Në SHBA, i gjithë episodi që shfaqte skeçin e “The Lion and The Bear” u shpall i jashtëligjshëm nga PBS pas reagimit të ashpër që mori. Në vitin 1999 u ndalua në edhe më shumë vende dhe deri në vitin 2001, drejtuesit e BBC-së kishin vendosur të censuronin skeçin për shikuesit në Mbretërinë e Bashkuar. “The Lion and The Bear” ishte një skeç rreth dy personazheve të cilët ishin, çuditërisht, një luan dhe një ari. Ariu mbërriti i pari, i ndjekur nga luani, i cili po e ndiqte. Në skeçin origjinal, “Teletubbies” u tmerruan nga ardhja e Ariut, i cili përsëriti të njëjtën fjali disa herë në mënyrë rrëqethëse.

“Unë jam Ariu, unë jam Ariu dhe po vij”, përsëriste personazhi. Pasi u shfaq në ekran, ariu vazhdoi të bërtiste me zërin e tij të frikshëm. “Unë jam Ariu, unë jam Ariu, me flokë kafe të turbullt. Unë po fshihem nga Luani, por ai nuk e di se ku” thoshte ai. Pastaj erdhi Luani “i frikshëm”. “Unë jam Luani i frikshëm, me dhëmbë të mëdhenj të frikshëm. Unë jam i frikshëm dhe jam poshtë”,-bërtiste luani. Ky dialog u pasua nga një skenë dramatike ndjekjeje nëpër kodrat e gjelbra, ndërsa Laa-Laa u tha shokëve të tij të “The Teletubbies” që të fshiheshin.

Këto skena rezultuan të ishin shumë traumatizuese për fëmijët dhe u cilësuan nga prindërit si të përshtatshme. Një rishikim i vitit 1997 madje e quajti skenën si “filmi horror më i madh i të gjitha kohërave”. Katër vjet më vonë BBC e redaktoi skeçin për ta bërë atë më miqësore për fëmijët. Në skeçin e censuruar, shumë nga elementët origjinalë ishin ndryshuar. Tani “The Teletubbies” u shfaqën të emocionuar për ardhjen e ariut. Zëri i ariut ishte modifikuar gjithashtu që të tingëllonte më pak i frikshëm dhe muzika kërcënuese u zëvendësua me diçka më optimiste. Në vend që të tremben nga ariu, “Teletubbies” tani qeshin me praninë e tij. Ata vazhdojnë të qeshin gjatë gjithë rrugës dhe të festojnë kur luani e ndjek ariun larg, në vend që të ikin vetë.