Netflix mbushi 25 vjeç ditën e djeshme. Gjiganti i transmetimit u themelua më 29 gusht të vitit 1997 nga Reed Hastings, bashkë-CEO i saj aktual dhe Marc Randolph, CEO i parë që u largua nga kompania në vitin 2002 pasi u bë publike. Netflix ka pësuar shumë ndryshime gjatë atij çerek shekulli, nga fillimi si një kompani DVD me postë deri në lançimin e shërbimit të saj të transmetimit të internetit për të krijuar përmbajtje origjinale.

Logoja e saj gjithashtu ka kaluar nëpër disa rishikime dhe e para ishte shumë larg modelit të saj aktual kuq e zi. Kishte ngjyrë vjollcë dhe të zezë, duke ndarë fjalën “Net” dhe Flix”. Ndërkaq, çdo platformë dhe rrjet social po ndryshon dita-ditës.

Pas ndryshimeve të Instagram, Whatsapp, YouTube dhe Snapchat tani është radha e Netflix. Sipas raportimeve të bëra së fundmi Netflix ka ndërmarrë një lëvizje aspak të mirë për përdoruesit. Shkarkimi i filmave dhe serialeve është një nga pluset më të mëdha për përdoruesit e këtij shërbimi streaming, por duket se do ta shijojnë vetëm ata që zgjedhin paketën më të shtrenjtë.

Domethënë, Netflix është duke përgatitur një paketë më të lirë që përmban reklama dhe pritet të jetë në dispozicion vitin e ardhshëm. Sipas Bloomberg, kodi i fshehur në aplikacionin iPhone tregon se Netflix nuk planifikon të lejojë opsionin e shkarkimit për përdoruesit me një paketë më të lirë. 

Rikujtojmë, se Disney do të nisë një shërbim të ri transmetimi të mbështetur nga reklamat në SHBA në dhjetor, një përpjekje kjo që kalon Netflix-in në garën për abonentë me pagesë. Firma raportoi 221.1 milionë abonentë në tre platformat e saj të transmetimit në fillim të korrikut. Kjo e vendosi atë përpara Netflix, i cili tashmë ka humbur një numër të madh abonentësh.