Një diamant i ndritshëm rozë, i përshkruar si një ndër më të pastrit në botë, mund të kalojë vlerën e 21 milionë dollarëve në ankandin që do të mbahet në Hong Kong në Tetor. Guri i çmuar 11.15 karatë, është quajtur “Williamson Pink Star” në homazh të dy diamanteve të tjerë rozë. Një prej tyre është “CTF Pink Star”, një diamant oval 59.6 karatë që u shit me vlerën rekord prej 71.2 milionë dollarë në 2017. Tjetri, “Williamson”, 23.6 karatë iu dhurua Mbretëreshës Elizabeth. Guri i rrallë u zbulua në një minierë në Tanzani, prej nga vjen edhe “Williamson Pink Star”.

“Diamantet rozë janë tmerrësisht të rrallë në natyrë. Më pas shtohen faktorë si të qenurit mbi 10 karatë, përsosmëria dhe tipi, e më pas vlera arrin kulmin”, shpjegon drejtuesi i argjendarisë së shtëpisë së ankandeve Sotheby’s. Gurët me ngjyrë të cilësisë së lartë blihen nga shtresa më e pasur e shoqërisë dhe priten oferta të larta kur diamanti rozë të dalë në stendën e ankandit.

Ndërkaq, duke mposhtur rekordin e mëparshëm më të mirë prej 12,638 diamante në një unazë të vetme, të vendosur nga argjendari me bazë në Meerut, Harshit Bansal në vitin 2020, një ekspozitë bizhuterish me bazë në Kerala ka thyer rekordin me 24,697 diamante të vendosura në një unazë në formë kërpudhe. Unaza e quajtur “The Marigold” ka formën e një lule kumak. Unaza me temën e kërpudhave e quajtur ‘The Touch of Ami’, sipas Rekordeve Botërore Guinness, u krijua nga ‘SWA Diamonds’ me bazë në Kerala në një kohë prej tre muajsh. 

Sigurisht, diamantet janë miku më i mirë i një vajze. Por rezulton se edhe meshkujt i njohin mjaft mirë ato. Marrëdhënia e gjatë midis burrave dhe gurëve të çmuar daton rreth vitit 1600 para Krishtit, kur grekët filluan të përdorin smerald, rubin dhe safirë të importuar nëpërmjet Rrugës së Mëndafshit në bizhuteri. Ndërsa ata kanë pasur kurora me pika dhe veshje ceremoniale, bizhuteritë dhe orët sensacionale janë infiltruar plotësisht në skenën e stilit të meshkujve.