Tradhtarët kanë më shumë gjasa të fillojnë një lidhje tani, në krahasim me çdo muaj tjetër. Tradhtia rritet me 22% në fillim të vjeshtës, pasi njerëzit e pakënaqur në marrëdhënie duket se fillojnë të kërkojnë partnerë të rinj. Studimi, i kryer nga ‘IllicitEncounters’, zbuloi se 32% e grave dhe 34% e meshkujve thanë se vera e tensionon marrëdhënien e tyre.

Gjithashtu, studimi zbuloi se shtatori njihet si muaji më për tradhtinë bashkëshortore, duke tejkaluar janarin.  Përfundimi i punës nga shtëpia është një tjetër faktor në rritjen e tradhtive në vjeshtë. Një e pesta e meshkujve (21%) dhe një numër i ngjashëm grash (19%) thanë se kishin më shumë gjasa të tradhtonin kur ishin kthyer në zyrë.

Rezultatet vijnë nga një sondazh me 2,000 njerëz nga ‘IllicitEncounters.com’, faqja kryesore e çështjeve familjare në Mbretërinë e Bashkuar. Janari ka qenë tradicionalisht gjithmonë muaji më i lartë i tradhtisë pasi bashkëshortët e pakënaqur e përdorin Vitin e Ri për të kërkuar partnerë të rinj. Shtatori u zgjodh si muaji më i mundshëm për një lidhje nga 32% e meshkujve dhe 31% e grave.

Ndërkaq, a e dini se përse ndodh shfrenimi erotik në verë? Nga një studim i “Sogesa Roma” me 1000 pushues italianë, u zbulua se 57% e tyre ka pasur sukses në marrëdhëniet intime falë lojërave në rërë. Volejbolli me 37% të rasteve, tenisi me 26% dhe gjimnastika e ujit me 16%. Por kujdes, jo të gjitha sportet kanë të njëjtin efekt. Sipas studiuesve, futbolli nuk ndikon fare në krijimin e njohjeve të reja. Sipas studiuesve më shumë hormone prodhohen në verë dhe në verë tradhtojmë e flirtojmë më shumë.