Kryeministri i Greqisë, Kyriakos Mitsotakis i dërgoi një mesazh të qartë Turqisë, duke theksuar se është e papranueshme që një vend aleat i NATO-s të vërë në dyshim sovranitetin tonë.

Ai theksoi se revizionizmi dhe ndryshimi i kufijve nuk mund të tolerohen, siç tregohet nga pushtimi rus i Ukrainës.

Lidhur me retorikën agresive në rritje të Turqisë, Kyriakos Mitsotakis përsëriti se “qëndrimi i përhershëm i Greqisë është dialogu i bazuar në të drejtën ndërkombëtare”, raporton Protothema.

Ai theksoi gjithashtu se “është e papranueshme që Greqia të marrë kërcënime që shkojnë deri në pikëpyetje të sovranitetit grek nga një vend që është aleat në NATO”.

Deklaratat e Mitsotakis u bënë sot gjatë takimit me presidenten e Sllovakisë, Zuzana Čaputová, e cila po zhvillon vizitën e saj të parë zyrtare në Greqi.

Nga Bosnja e Hercegovina ai përsëriti kërcënimet ndaj Greqisë.

“Ata kanë ishuj, kanë baza në ato ishuj dhe nëse vazhdojnë kërcënimet e tyre të paligjshme, durimi ynë do të mbarojë. Ajo që po ju them nuk është fantazi. Kur themi mund të vijmë brenda natës, kur të vijë koha do të vijmë brenda natës”, theksoi ai.

Në të njëjtën kohë, Recep Tayyip Erdoğan pohoi se “Greqia po merr masat e saj”, ndoshta duke iu referuar lëvizjeve të fundit në fushën e armatimit nga forcat e armatosura greke.

” Greqia do të vendosë se çfarë marrëdhënie do të ketë me Turqinë duke menduar më mirë. Unë gjithmonë them se mund të vijmë papritur një natë ”, tha Recep Tayyip Erdogan .