Shefi bërthamor i Ukrainës ka sugjeruar që paqeruajtësit e Kombeve të Bashkuara mund të sigurojnë termocentralin Zaporizhzhia.

Fabrika është pushtuar nga Rusia që në ditët e para të luftës dhe është nën sulm të vazhdueshëm, me të dyja palët që fajësojnë njëra-tjetrën.

Inspektorët e OKB-së raportuan për dëme në termocentral gjatë një vizite javën e kaluar.

Ata rekomanduan që të ngrihej menjëherë një zonë sigurie për të mbrojtur objektin, i cili është më i madhi në Evropë.

Vladimir Putin tha se i beson raportit të mbikëqyrësit bërthamor të OKB-së, Agjencisë Ndërkombëtare të Energjisë Atomike (IAEA), por e kritikoi agjencinë që nuk tha se Ukraina ishte fajtore për bombardimin e zonës.

Udhëheqësi rus e përshkroi IAEA si “një organizatë ndërkombëtare shumë të përgjegjshme”, e cila ishte nën presion.

“Ushtarët tanë janë atje, a po vrasim ne trupat tonë ushrarakë?” pyeti ai, në përgjigje të pretendimeve se Rusia mund të jetë përgjegjëse për bombardimet në central.

Bombarimet vazhduan ndërsa ekipi prej 14 trupash i IAEA-s vizitoi termocentralin dhe kreu i saj, Rafael Grossi, paralajmëroi për një rrezik shumë real të katastrofës bërthamore.

Edhe pse pjesa më e madhe e ekipit u largua nga uzina pas dy ditësh, ai tha se dy nga zyrtarët e tij do të qëndronin atje.

Në një seancë urgjente të Këshillit të Sigurimit, Sekretari i Përgjithshëm i OKB-së Antonio Guterres përcaktoi hapat për krijimin e një zone të çmilitarizuar rreth uzinës.

Presidenti ukrainas Volodymyr Zelensky përshëndeti thirrjet nga IAEA për një zonë mbrojtëse të sigurisë në Zaporizhzhia.

Të mërkurën Petro Kotyn, i cili drejton agjencinë bërthamore të Ukrainës, Energoatom, sugjeroi se një kontingjent paqeruajtës i OKB-së mund të krijojë një zonë sigurie në Zaporizhzhia dhe trupat ruse të tërhiqen.

Në raportin e saj, agjencia bërthamore theksoi “kushtet jashtëzakonisht stresuese” me të cilat përballet stafi ukrainas që punon atje nën kontrollin ushtarak rus.

Megjithatë, IAEA ishte e kujdesshme që të mos ia adresonte fajin asnjërës palë.