“Iran International”, një media iraniane me seli në Britaninë e Madhe që në përshkrimin e saj shkruan se ka si synim të vërtetën për popullin iranian, ka publikuar një shkrim për sulmet e fundit kibernetike në Shqipëri.

Mes të dhënave të publikuara, kjo media pretendon se ka zbuluar identitetet e organizatorëve dhe mbështetësit e këtyre sulmeve që u kryen me bekimin e autoriteteve iraniane.

Pjesë nga artikulli:

“Sipas një raporti të publikuar nga Microsoft, 4 grupe hakerash të mbështetur nga Republika Islamike, qëndrojnë pas këtyre sulmeve disa prej të cilave menaxhohen jashtë kufijve të Iranit.

Këto katër grupe kanë përdorur aksesin që ishte përdorur më parë nga grupi i hakerëve “Europim”, i lidhur me Ministrinë e Informacionit dhe i cili kishte kryer disa sulme kibernetike në një periudhë prej më shumë se një viti.

Logoja e përdorur nga hakerat është frymëzuar nga grupi “Sparrow Among the David”. Sipas Microsoft, “Harabeli grabitqar”, në emër të Organizatës së Muxhahedinëve të Popullit dhe Izraelit, kreu disa sulme kundër infrastrukturës së Republikës Islamike, duke përfshirë hakerimin e sistemit të Komunës së Teheranit dhe “Khuzestan Steel”.

Microsoft thotë se Republika Islamike i kreu sulmet e fundit si hakmarrje për sulmet e rënda kibernetike ndaj Republikës Islamike.

Më 3 gusht, Ministria e Informimit njoftoi rritjen e bashkëpunimit me Organizatën e Inteligjencës të IRGC-së. Duket se sulmet e përsëritura kibernetike të fundit janë rezultat i këtij bashkëpunimi.

Vitin e kaluar, një grup kibernetik hakoi aeroportin e Tiranës në një projekt të quajtur “Sayad”. Në të njëjtën kohë, grupi “Labdokhtegan” zbuloi se personi përgjegjës për këtë sulm kibernetik ishte kompania iraniane “Iliant Gostar” nën komandën e Mohammad Baqer Shirinkar, me pseudonimin Mojtaba Tehrani, i cili u sanksionua nga Departamenti Amerikan i Thesarit me akuzën se ishte i lidhur me Korpusin e Gardës Revolucionare Islamike.

Një nga aktorët kryesorë të këtij grupi është edhe vëllai i tij, Mohammad Hossein Shirinkar.

Mehdi Hashemi Taghraljardi, dhëndri i këtyre të dyve, i cili po ashtu është në listën e sanksioneve amerikane, është CEO dhe anëtar i bordit të drejtorëve të kompanisë Iraniane “Iliant Gostar”.

Ai është komandanti i Sigurisë Kibernetike të IRGC-së dhe përgjegjës për sulmet kibernetike të IRGC-së.

Hamidreza Lashgarian, 61 vjeç, lindur në Teheran është profesor asistent në Universitetin “Imam Hossein” dhe me emrin e tij janë regjistruar artikuj në faqen e këtij universiteti.

Sipas informacioneve të publikuara nga rrjeti Sky, Lashgarian ishte përgjegjës për ekipin e 13-të të inteligjencës, i cili ishte aktiv në sulmin ndaj anijeve perëndimore dhe ndaj objekteve të infrastrukturës si pompat e benzinës në të gjithë botën.

Të gjitha grupet kibernetike të Korpusit të Gardës Revolucionare Islamike veprojnë nën mbikëqyrjen e Hamidreza Lashgarian”, shkruhet mes të tjerash në artikull./A2