Mijëra njerëz kanë vërshuar në monumentet mbretërore për t’i bërë nderimet e tyre mbretëreshës që nga lajmi i trishtuar i vdekjes së saj të enjten në mbrëmje. Nga Pallati Buckingham dhe Balmoral te Kështjella Windsor dhe Pallati i St James, fansat mbretërorë kanë bërë homazhe ndërsa një varg me lule kanë përmbytur portat e rezidencave mbretërore ditët e fundit.

Të shtunën u shënua një tjetër moment historik pasi Mbreti Charles III u shpall zyrtarisht si monark në një Këshill Aderimi. Pasi përshëndeti publikun për herë të parë si Mbret, Charles është rikthyer në Pallatin Buckingham për brohoritjet e mijëra dashamirësve.

Mbretërorët kanë vendosur qindra mijëra homazhe të përzemërta për Mbretëreshën Elizabeth II, duke përfshirë dhurata të punuara me dorë, buqeta me lule dhe letra të shkruara me dorë. Një nderim zemërthyes i ka lënë njerëzit të përlotur pasi një fans mbretëror ka theksuar marrëdhënien e mrekullueshme të Mbretëreshës me ariun ikonik imagjinar, Paddington.

Dashamirësi i pikëlluar la një sanduiç brenda një qese plastike pranë një lodre Paddington Bear në portat e Pallatit të Holyroodhouse.

“Për më vonë!” shkruhej në të, shoqëruar me dy puthje me bojë të shkruar me dorë, duke i bërë jehonë asaj që Paddington Bear do t’i kishte thënë mbretëreshës së dashur kur të dy u shfaqën në një skicë të veçantë për festimet e saj jubilare në qershor.