Një ndër gurët më të çmuar dhe xhevahiret më të shtrenjta të Mbretëreshës Elizabeth II është diamanti legjendar Koh-i-Noor. Pas vdekjes së monarkes disa në Britani kanë kujtuar mallkimin e diamantit legjendar të kurorës dhe faktin që Mbreti Charles nuk duhet ta vendosë atë. Legjenda thotë se të gjithë njerëzit që zotëronin Koh-i-Noor (malin e dritës) janë mallkuar. Në një dorëshkrim hindu të shekullit të 14-të thuhet se kushdo që ka këtë diamant do të sundojë botën, por do të dijë gjithashtu të gjitha fatkeqësitë e Tokës. Vetëm Zoti ose një grua mund ta veshin atë pa u ndëshkuar.

Koh-i-Noor është një nga diamantet më të çmuara në botë, 105.6 karat dhe pjesë e bizhuterive të kurorës britanike. Koh-i-Noor do të thotë “Mali i Dritës ” në Hindi dhe Persian. Me këtë emër njihet që nga shekulli i 18-të. Fillimisht, guri kishte një prerje të ngjashme me diamantet e tjerë të epokës së Perandorisë Mughal që gjenden sot në bizhuteritë e kurorës iraniane. Në 1851, Koh-i-Noor u ekspozua në Ekspozitën e Madhe në Londër, por prerja e tij nuk i bëri përshtypje shikuesve. Princi Albert, bashkëshorti i Mbretëreshës Viktoria, urdhëroi që diamanti të riprodhohej në një formë ovale dhe të shkëlqyer.

Sipas standardeve moderne, pjesa në fund të diamantit është jashtëzakonisht e madhe, duke dhënë përshtypjen e një vrime të zezë kur shihet nga lart. Megjithatë, diamanti konsiderohet nga gemologët si “plot jetë”. Sot, diamanti është ekspozuar publikisht në Shtëpinë Jewel në Kullën e Londrës, ku shihet nga miliona vizitorë çdo vit. Qeveritë e Indisë dhe Pakistanit kanë pretenduar pronësinë e Koh-i-Noor dhe kanë kërkuar kthimin e tij që kur të dy vendet fituan pavarësinë nga Mbretëria e Bashkuar në vitin 1947.

Qeveria britanike këmbëngul se xhevahiri është marrë ligjërisht sipas kushteve të traktatit të fundit të Lahores dhe hodhi poshtë pretendimet. Rikujtojmë, se së fundmi një kasap në Zelandën e Re i ka habitur të gjithë pasi ka krijuar ato që ai i ka quajtur “Gishtat salçiçe të Mbretit Charles III”. Sigurisht kasapi ka pohuar se është frymëzuar nga gishtat e fryra të duarve të Mbretit. Ai përdori mediat sociale për të reklamuar produktin e ri që mund të blihet në Okland dhe menjëherë postimet e tij janë bërë virale. Ndërkaq, fryrja e gishtave të duarve vjen për shkak të moshës, por mund të fshehë edhe probleme të tjera shëndetësore.