Dua Lipa në një lidhje me aktorin e njohur? Pamjet që po bëjnë xhiron në rrjet (VIDEO)
![](https://www.vovmagazine.al/wp-content/uploads/2022/02/56-2-150x150.png)
![Dua Lipa në një lidhje me aktorin e njohur? Pamjet që po bëjnë xhiron në rrjet (VIDEO)](https://www.vovmagazine.al/wp-content/uploads/2022/09//dua-lipa-ne-nje-lidhje-me-aktorin-e-njohur-pamjet-qe-po-bejne-xhiron-ne-rrjet-video.png)
Këngëtarja e famshme shqiptare, Dua Lipa, ishte vetëm dy ditë në Meksikë dhe pati përvojën fatkeqe të një tërmeti të fortë që u ndje këtë të hënë.
Disa orë para se të ndiheshin lëkundjet e tërmetit, Dua ka dhënë një koncert në kryeqytetin meksikan, në kuadër të turit të saj “Future Nostalgia”.
“Rroftë Meksika! Jam shumë mirënjohëse, shumë e lumtur dhe shumë e emocionuar që jam këtu“, tha ajo gjatë performancës së saj në Foro Sol në Mexico City.
Lipa është shfaqur në skenë me një veshje jeshile. Ajo dhuroi energji dhe tha se ishte e lumtur që vizitoi Meksikën dhe ndjeu dashurinë e publikut dhe në fund të performancës së saj u drejtua në një klub nate në qytet, LooLoo Studio, ku u befasua nga tërmeti.
Më pas në rrjetet sociale ka qarkulluar një video ku këngëtarja shfaqet me kurrizin e kthyer e rrethuar nga disa persona, teksa pret evakuimin e pjesës tjetër të të pranishmëve.
Në video shfaqet 27-vjeçarja duke u larguar nga vendi e rrethuar nga ekipi i saj i sigurisë drejt një furgoni të bardhë, dukshëm e tronditur. Ishte rreth orës 1:30 të mëngjesit të së enjtes, me orën lokale, pikërisht kur ndodhi tërmeti.
Mirëpo, Dua ka qenë me të dashurin e përfolur Aron Piper. Pak para tërmetit ata janë kapur në club bashkë duke festuar e kërcyer dhe më pas kanë dalë po bashkë duke hipur në të njëjtin automjet.
Nuk është hera e parë që të dy kapen së bashku, ndaj spekulohet se prej disa javësh ata janë në lidhje, të paktën që nga qershori, kur u panë për herë të parë bashkë duke kërcyer në një klub të qytetit të Madridit.
Me atë rast, Piper u kap duke folur në veshin e Dua Lipës dhe të dy treguan kimi të shkëlqyer. Aron Piper është një model dhe këngëtar spanjoll i cili që nga viti 2018 merr pjesë në serialin e Netflix “Élite”.