Shpesh është e lehtë për tifozët të harrojnë se futbollistët profesionistë dhe të famshëm në nivelin më të lartë janë gjithashtu qenie njerëzore dhe në këtë rast edhe Cristiano Ronaldo me Georgina Rodriguez nuk janë të ndryshëm. Sulmuesi portugez pësoi atë që konsiderohet si një nga dhimbjet më të rënda emocionale që një njeri mund të durojë kur humbi një fëmijë në prill të 2022.

Georgina ishte në pritje të dy binjakëve, por ishte në gjendje të lindte vetëm një nga foshnjat, vogëlushen ndërsa djali i tyre nuk mund t’ia dilte. Rodriguez ka pranuar se ky episod ka qenë periudha më e keqe e jetës së saj, madje ka pyetur veten se si mund të vazhdonte. Rodriguez u tha gazetarëve në një festival televiziv dhe radio spanjolle se:

Këtë vit kam përjetuar momentin më të mirë dhe më të keq të jetës sime në një çast. Një pjesë e madhe e zemrës sime u thye dhe pyeta veten se si mund të vazhdoja. Përgjigjen e kisha më afër se sa e kisha menduar, pashë në sytë e fëmijëve të mi dhe aty kuptova mënyrën e vetme për ta bërë këtë dhe për t’ia dalë, të ishim të gjithë bashkë.

Vdekja e fëmijës së Rodriguez dhe Ronaldos do të shfaqet edhe në serinë e dokumentarëve të rikthyer të Netflix të quajtur “I Am Georgina”, e cila përqendrohet në jetën e saj.

Seriali i ri do të shfaqë momente të trishtimit dhe humbjes që pësoi Georgina, është diçka që mund t’u ndodhë njerëzve që kanë gjithçka si ajo dhe njerëzve që nuk kanë asgjë.

Këtë gjë e konfirmoi vetë Alvaro Diaz në FestTVal.