Në datën 3 nëntor, Gjykata e Apelit do të gjykojë ankimin e Partisë Demokratike që kërkon regjistrimin si të bashkuara në një vendim, ndryshimet statutore të korrikut 2021 dhe të dhjetorit 2021.

Trupa gjykuese do përbëhet nga gjyqtarët: Irida Kacerja (relatore), Genti Shala dhe Emona Muçi.

Ndërkohë, ankimi i Alibeajt kundër vendimit të gjyqtarit Agron Zhukri për regjistrimin e statutit të Berishës, ende nuk ka një datë shqyrtimi.

Në dy ditët e fundit ka pasur disa kërkesa nga disa deputetë të Partisë Demokratike mbështetës të Enkelejd Alibeajt që gjykata të marrë një vendim dhe të mos vazhdojë me zvarritjen e kësaj çështje.