Kompania Hyundai po përgatitet për nxjerrjen në treg tanimë të shumëpritur të modelit Ioniq 5 N. Hyundai e ka konfirmuar se makina do të dalë në shitje vitin e ardhshëm dhe se shumë nga teknologjia e saj do të vijnë nga koncepti RN22e dhe Kia EV6 GT.

Pamjet e fundit të fotografuara konfirmojnë se makina do të ketë një qëndrim shumë më të gjerë. Kur bëhet fjalë për ngarjen e 5 N, do të ketë një sërë funksionesh të ndihmës së shoferit në dispozicion dhe modaliteti i famshëm drift është konfirmuar gjithashtu. Makina do të përdorë të njëjtën bateri dhe motorë siç përdor Kia EV6 GT si dhe mund të presim 577 kuaj fuqi.

Hyundai së fundmi ka shpalosur planet se si pret të bëhet një lider në SHBA me një plan që thotë se do t’i kushtojë më shumë se 10 miliardë dollarë. Sipas mediave të huaja, prodhuesi i automjeteve synon të investojë në automjete elektrike, teknologji autonome, robotikë dhe udhëtime ajrore në mënyrë që të sigurojë rritjen e saj në të ardhmen.

Komponenti më i madh i planit është një fabrikë prej 5.54 miliardë dollarësh që do të bëhet objekti i parë i dedikuar për prodhimin e baterive EV në shtetin e Georgia. Në të, Hyundai Motor Group pritet të ndërtojë më shumë se 300,000 njësi në vit, duke filluar nga viti 2025.