Ai është një nga figurat më të rëndësishme të botës së modës. E kemi fjalën për stilistin e famshëm Giorgio Armani i cili së fundmi ka shprehur se ndjen gjithmonë një lloj pakënaqësie ndaj vetes. Për më shumë ai shprehet se:

Duhet të harroj që jam 88 vjeç, përndryshe ka mbaruar. Duhet të provoj sikur kam filluar sot dhe ky është një problem sepse kur zgjohem në mëngjes, jam 88 vjeç, gjë që është shumë e vështirë. Nuk jam plotësisht i kënaqur, sepse dua që puna ime aktuale të vlerësohet, të mos ketë çmim për atë që kam bërë. Kjo është ajo që më zgjon çdo mëngjes. Unë ende duhet të testoj veten. Kurrë në jetë nuk kam ëndërruar kaq shumë, dy-tri ëndrra në një natë. Ndonjëherë ëndërroj të bëj një sfilatë të bukur mode dhe kur zgjohem, jam shumë i zemëruar sepse ishte vetëm një ëndërr.

Sa i përket agresionit rus në Ukrainë, Giorgio tha:

Kur shikoj lajmet dhe shoh imazhet e vuajtjes, më duket sikur ajo që po bëj nuk ka kuptim në ditët e sotme. E vështirë është për punën time, por duhet ta mposht këtë ndjenjë, këtë lloj frenimi që kam që nuk më mundëson të krijoj. Kam një shembull. Shfaqjen e fundit vendosa ta realizojë pa muzikë. Kishte vetëm pak ditë që kishte nisur lufta, unë bëra një konferencë për shtyp. Më pyetën për modën dhe në atë moment nuk mund të flisja për të.

Për gati 50 vjet, motivimi kryesor i Armani ka qenë ky:

Është e rëndësishme të mos jetosh nga nostalgjia, të mos bësh asgjë pa pagesë dhe më e rëndësishmja, të sjellësh gjëra të reja, por gjithmonë të kesh parasysh se duhet të përpiqesh, të bësh që burrat dhe gratë të ndjehen mirë në rroba. Mos harroni kurrë se ky është qëllimi kryesor. Unë mund të ndihmoj më mirë jetën e klientëve të mi në këtë mënyrë. Ky ka qenë edhe ngushëllimi në periudhat më të vështira të jetës time.

Ndërkaq, njihuni me disa fakte që nuk i dinit mbi Giorgio Armani…Rikujtojmë, se së fundmi Armani, prezantoi koleksionin pranverë-verë 2023 me shumë shkëlqim, për linjën e tij kryesore, në Javën e Modës në Milano. Veterani 88-vjeçar i modës hapi shfaqjen “Fil d’Or” (fije e artë), me ngjyra të lehta dhe gri të zbehtë.