Presidenti ukrainas Volodymyr Zelensky u kërkoi trupave të tij të mbajnë më shumë të burgosur lufte, duke thënë se kjo do ta bënte më të lehtë sigurimin e lirimit të ushtarëve të mbajtur nga Rusia.

Zelensky i bëri komentet e tij disa orë pasi të dy palët kryen një nga shkëmbimet më të mëdha të të burgosurve deri më tani, duke shkëmbyer gjithsej 218 të burgosur, përfshirë 108 gra ukrainase.

“Falënderoj të gjithë të përfshirë në këtë sukses dhe falënderoj gjithashtu të gjithë ata që plotësojnë fondin tonë të këmbimit, që sigurojnë kapjen e armiqve”, tha ai në një fjalim të mbrëmjes.

“Sa më shumë të burgosur rusë të kemi, aq më shpejt do të jemi në gjendje të çlirojmë heronjtë tanë. Çdo ushtar ukrainas, çdo komandant i vijës së parë duhet ta kujtojë këtë”, theksoi ai.

Andriy Yermak, shefi i shtabit të Zelenskiy, tha se në mesin e grave të lira ishin 12 civile.

“Ishte shkëmbimi i parë tërësisht femëror”, shkroi ai në aplikacionin e mesazheve Telegram, duke shtuar se 37 nga gratë ishin kapur pasi forcat ruse morën fabrikën gjigante të çelikut Azovstal në qytetin port të Mariupolit në maj.

Më vete, ministria e brendshme e Ukrainës tha se disa nga gratë ishin në burg që nga viti 2019 pasi u arrestuan nga autoritetet pro-Moskës në rajonet lindore. Më parë, kreu i emëruar nga Rusia i një prej rajoneve tha se Kievi po lironte 80 marinarë civilë dhe 30 personel ushtarak.