Kryeministri Rama gjatë ceremonisë për dhënien e “Medaljes së Artë” për nxënësit që kanë përfunduar gjimnazin me 10 absolute, u shpreh se universiteti ka ndryshuar, pasi 87% e ekselentëve kanë zgjedhur të studiojnë në Shqipëri dhe jo jashtë vendit.

Kryeministri theksoi se qeveria nuk do të financojë më studentët ekselentë për të studiuar jashtë vendit, por do të mbështesin vetëm ekselenëtve që do të vazhdojnë shkollimin në Shqipëri. Rama tha se financimi do jetë për nga 200 deri në 400 studentë, të cilët në momentin që futen në sistemin e financimit do u ndalohet marrja e diplomës për tre vite, si në degën e mjekësisë, degët prioritare apo edhe degë të tjera.

Rama: E kuptoj që të studiosh në ato universitete, më të mira të botës do të thotë që të hysh, me garancinë se kur del do të të vijnë të ët kërkojnë kompani dhe studio prestigjioze avokatie dhe sisteme të tjera duke të ofruar punë. Se kshu është kur je në majë. Por, të firmosësh një marrëveshjeje me shtetin tënd për ti marrë para nga taksat, një numri të madh prindërish dhe të thuash që do shkoj të studioj dhe do kthehem, dhe jo vetëm të mos kthehesh por as mos të kujtohesh të bësh një letër dhe të vihesh në dispozicion, duke thënë e kam të pamundur të kthehem, se më mori jobs në punë, por jam në dispozicion, kjo është shumë e tepërt dhe boll. Ne nuk do financojmë studime jashtë, por do financojmë këtu dhe do vendosim financim të konsiderueshëm, jo duke dhënë një bursë, por pagë minimale, për çdo student që është i këtij niveli. Tek mjekësia, tek degët prioritare do fokusohemi, dhe nga 20, do financojmë nga 200-400. Duke parë edhe mesataren që ka qenë, do japim pagë për çdo njërin, por ata që futen në sistem s’do marrin diplomë para tre vjetësh, që do të thotë je mjek, do punosh tyre vite këtu, pastaj do marrësh edhe diplomën dhe je i lirë të shkosh jashtë.