Apple ka dhënë së fundmi konfirmimin më të drejtpërdrejtë deri më tani se një iPhone i pajisur me USB-C po vjen tani që Bashkimi Evropian po detyron që të gjithë telefonat e shitur në vendet e tij anëtare të përdorin lidhësin nëse kanë një karikues fizik. Kur u pyet nga Joanna Stern e ‘The Wall Street Journal’ nëse kompania do të zëvendësonte Lightning, drejtuesi i marketingut të Apple, Greg Joswiak u përgjigj duke thënë:

Natyrisht që do të duhet të pajtohemi, nuk kemi zgjidhje.

Apple’s Craig Federighi and Greg Joswiak (@gregjoz) join @JoannaStern at #WSJTechLive to discuss products, privacy and power at the tech giant https://t.co/fNo2JGwMB4 https://t.co/aGrTlZrUo4

— The Wall Street Journal (@WSJ) October 26, 2022

Stern e përmendi ligjin gjatë një bisede me Joswiak dhe zëvendësin e softuerit Craig Federighi në konferencën Tech Live të WSJ-s dhe pasoi duke pyetur se kur mund të prisnim të shihnim USB-C në një iPhone. Joswiak u përgjigj duke thënë se evropianët janë ata që diktojnë kohën.

Aktualisht, ligji dikton që “të gjithë telefonat celularë dhe tabletët” do të duhet të përdorin USB-C deri në vjeshtë 2024. Joswiak refuzoi të përgjigjej nëse kompania do të përfshinte lidhësin në telefonat e shitur jashtë BE-së. Por ai e bëri të qartë se Apple nuk është i lumtur që detyrohet ligjërisht të bëjë ndryshimin.

Para se të pranonte se kompania duhet të jetë në përputhje me ligjin, Joswiak bëri një shpjegim të gjatë se si Apple ka preferuar historikisht të ndjekë rrugën e vet dhe t’u besojë inxhinierëve të saj në vend që të detyrohet të miratojë standardet e harduerit nga ligjvënësit. Ai përmendi shembuj rreth përputhshmërisë me Micro USB dhe aparatin e dëgjimit si situata ku Apple është shtyrë të përmbushë kërkesat e pamenduara mirë.

Kalimi i iPhone nga Lightning në USB-C do të shkaktonte shumë mbeturina elektronike. Joswiak nuk tha se kompania po peshonte opsionet e saj, ose po shqyrtonte nëse kishte mënyra se si mund të shmangte nevojën për të vendosur USB-C në iPhone. USB-C është porta e ardhshme për t’u lidhur dhe për të karikuar iPhone-in tuaj. Duket se iPhone 14 Plus nuk ka patur një fillim të shkëlqyeshëm siç sugjeruan raportet e hershme dhe tani sipas disa burimeve thuhet se Apple ka ndaluar prodhimin e iPhone 14 Plus dhe po rivlerëson kërkesën edhe njëherë.