Një raport i kohëve të fundit në lidhje me zbulimin e një kimikati që shkakton kancer në disa shampo të thata mund t’ju bëjë të rimendoni rutinën tuaj të kujdesit për flokët. Por ekspertët thonë se nuk ka një zgjidhje për të gjithë se sa shpesh duhet t’i lani flokët ose çfarë mund të bëni për t’i mbajtur ato në ditët e pushimit. Dr.Anthony Rossi, një asistent dermatolog në “Memorial Sloan Kettering Cancer Center in New York City” thotë:

Disa njerëz thjesht mendojnë se duhet t’i lajnë flokët çdo ditë ose do të kenë flokë shumë të yndyrshëm. Nëse i japin vetes një shans, ata mund të shohin se në të vërtetë nuk kanë skalp apo flokë të yndyrshëm. Sa shpesh duhet t’i lani flokët varet nga shumë faktorë, duke përfshirë llojin dhe stilin e flokëve, se sa i yndyrshëm tenton të bëhet skalpi juaj dhe nivelet e aktivitetit tuaj. Është një lloj përpjekjeje personale. Larja shumë e shpeshtë mund të thajë flokët, ndërsa grumbullimi i vajit nga moslarja e mjaftueshme mund të çojë gjithashtu në aromë të pakëndshme.

Ja se si ta kuptoni se çfarë funksionon për ju. Sa shpesh duhet t’i pastroni flokët varet nga shumë faktorë, duke përfshirë llojin dhe stilin e flokëve, se sa i yndyrshëm tenton të bëhet skalpi juaj dhe nivelet e aktivitetit tuaj.

Kur duhen larë flokët?

Rossi në përgjithësi u thotë pacientëve të tij se duhet të lajnë flokët një ose dy herë në javë. Por nëse keni pasur trajtime kimike që mund t’i bëjnë flokët tuaj më të thatë, të tilla si zbardhues ose zbutës ju duhet t’i lani më pak se një herë në javë për të shmangur majat dyshe, tha ai. Nëse skalpi juaj është shumë i yndyrshëm, mund t’ju duhet ta lani atë aq shpesh sa një herë në ditë, sipas faqes së internetit “American Academy of Dermatology Association’s”.

Mosha juaj gjithashtu mund të luajë një rol tw rwndwsishwm. Lëkura jonë prodhon më pak vaj ndërsa plakemi. Flokët tuaj mund të jenë më të prirur për t’u tharë ose thyer nëse janë kaçurrela ose me dredha, thotë shoqata. Larja e tij shumë shpesh mund ta përkeqësojë këtë, kështu që flokët e trashë dhe kaçurrela në përgjithësi nuk kanë nevojë të lahen çdo ditë apo edhe çdo javë. Por ju duhet ta lani atë të paktën çdo dy deri në tre javë për të mbajtur lëkurën e kokës dhe flokët tuaj të pastër dhe të shëndetshëm.

Çfarë duhet të bëni ndërmjet larjeve?

Kujdesi për flokët dhe lëkurën e kokës nuk ndodh vetëm në dush. Në mes të larjeve, ju mund të bëni disa gjëra për të ruajtur pastërtinë dhe pamjen e saj dhe për ta mbrojtur atë nga dëmtimi. Dermatologu Rossi thotë:

Unë mendoj se është e rëndësishme të kemi higjienë të kokës. Përkujdesuni për të dhe krehni flokët tuaj. Masazhimi i lëkurës së kokës do të ndihmojë vërtet për të liruar edhe mbeturinat. Pra, nuk duhet domosdoshmërisht ta lani atë me një shampo, por ta mbani të pastër është shumë e dobishme. Mund të përdorni gjithashtu gjëra të tilla si balsam ose vajra të kokës që ndihmojnë në ushqimin dhe hidratimin e lëkurës së kokës.

Nëse djersitni rregullisht nga stërvitja, nuk keni nevojë t’i lani flokët me shampo çdo herë, përveç nëse ka një rritje të tepërt të baktereve ose nëse flokët ose skalpi juaj fillojnë të mbajnw erw. Nëse dëshironi, mund t’i shpëlani me ujë. Shumica e shampove të thata janë konsideruar të sigurta për flokët, por mos u mbështetni shpesh në to. Nëse vëreni vaj të tepërt vetëm rreth vijës së flokëve, mund ta fshini me letra kozmetike, sugjeron dermatologu. Nëse jeni duke përjetuar probleme të përhershme me kokën ose flokët tuaj të tilla si zbokthi, rënia e flokëve ose flokët e dobwt duhet të shkoni tek një dermatolog i certifikuar, i cili trajton problemet në këto zona.