Komisioni Qendror i Zgjedhjeve, KQZ ka vendosur gjoba ndaj partive politike që fshehën financimet në zgjedhjet politike të 25 prillit të vitit 2021, të cilat u fituan nga Partia Socialiste. Ndërkohë, forca politike në pushtet është mes të gjobiturave nga KQZ-ja, bashkë me 12 parti të tjera. KQZ ka gjobitur Partinë Socialiste me 5.5 milion lekë (55 milion lekë të vjetra) për shkelje ligjore mbi shpenzimet elektorale në zgjedhjet e 25 Prillit 2021. Sipas Komisionit, PS-ja ka tejkaluar kufirin maksimal të shpenzimeve për fushatën zgjedhore nga kandidatët dhe subjektet politike.

Partia Demokratike është gjobitur me 700 mijë lekë (7 milion lekë të vjetra) për shkelje ligjore mbi shpenzimet elektorale në zgjedhjet e 25 Prillit 2021. Edhe PD, sipas Komisionit ka tejkaluar kufirin maksimal të shpenzimeve për fushatën zgjedhore.

Vendimet jepen pas auditimeve të ekspertëve ligjorë, por do të jetë KAS që thotë fjalën e fundit duke dhënë verdiktin final.

Komisioni Qendror i Zgjedhjeve ka gjobitur 13 parti gjithsej:

PS 5. 5 milion lekë

PD 700 mijë lekë

PDK 100 mijë

LZHK 100 mijë

LEGALITETI 500 mijë

PR 500 mijë

Balli Kombëtar Demokrat 500 mijë

Nisma Thurje 600 mijë

Bindja Demokratike 600 mijë

Lëvizja Demokratike 600 mijë

PSD 600 mijë

Balli Kombëtar 600 mijë

LSI rezulton e vetmja parti me raport të rregullt sipas Komisionit Qendror të Zgjedhjeve e nuk është gjobitur.