Piers Morgan ka pohuar së fundmi se ai është duke u “shfrytëzuar” nga dokumentari i Netflix, “Harry & Meghan”. Seriali, i cili do të publikohet në dy pjesë këtë muaj, ndjek Princin Harry dhe Meghan Markle dhe i sheh ata të adresojnë mosmarrëveshjet e tyre të bujshme me familjen mbretërore.

Zëri i Morgan mund të dëgjohet në trailerin i cili u shfaq të hënën. Në të, ai mund të dëgjohet duke thënë se Markle “po bëhet një yll rock-u mbretëror”. Duke shkruar në Twitter, Morgan tha:

Princesha Pinoku dhe Princi Hipokrit përdorin zërin tim për të treguar seritë e tyre të tmerrshme të reja. Jam i traumtizuar nga ky shfrytëzim.

BREAKING: Princess Pinocchio & Prince Hypocrite use my voice to flog their ghastly new series. I’m traumatised by this exploitation. https://t.co/D3QdXPXC6z

— Piers Morgan (@piersmorgan) December 5, 2022

Në trailerin e serialit, Harry është filmuar duke thënë se ka një “luftë kundër Meghan”, duke e përshkruar atë si një “lojë të pistë”. Prezantuesi shtoi:

Thotë djaloshi që bën një luftë të egër publike të pamëshirshme kundër familjes së tij. Harry është një djalë kaq i manipuluar, i llastuar.

Piers ka qenë një kritik i Dukës dhe Dukeshës së Sussex viteve të fundit. Koha e tij si prezantues në serialin e mëngjesit të ITV-së “Good Morning Britain” mori fund pasi ai doli jashtë transmetimit pas një fyerje shumë të kritikuar që synonte Meghan. Pjesa e parë e “Harry & Meghan” do të jetë e disponueshme të enjten më 8 dhjetor. Pjesa e dytë do të vijojë javën e ardhshme.

Traileri i fundit i Netflix për dokumentarët e tij për Princin Harry dhe Meghan Markle është bombarduar me komente negative. Traileri një minutësh, i cili u publikua më 5 dhjetor, paraqet çiftin duke diskutuar përvojat e tyre me familjen mbretërore që nga momenti i bashkimit. Ai, dhe traileri i mëparshëm i publikuar nga gjigandi i transmetimit, janë kritikuar mes disa ekspertëve për disa arsye, duke përfshirë përdorimin e tij të pamjeve të fotografëve të shtypit nga ngjarje që nuk kanë lidhje me çiftin e Sussex-it.

Dhe anëtarë të shumtë të publikut tani kanë kritikuar gjithashtu duke lënë komente negative. Traileri ka krijuar një trend, ku shikuesit i nisin komentet e tyre me shprehjen ‘Më pëlqen pjesa’, përpara se të lënë një koment sarkastik.