Papa Françesku shpërtheu në lot teksa nisi të lutej për paqen në Ukrainë gjatë një vizite tradicionale të Krishtlindjeve në Shkalat Spanjolle në Romë.

Zëri i papës filloi të dridhej kur përmendi vuajtjet e ukrainasve, ndërsa tha “Do të kisha dashur t’ju kisha sjellë falënderimet e popullit ukrainas…”, kur ndaloi së foluri për shkak se nuk ishte në gjendje të vijonte sipas Reuters.

Turma, ku përfshihej edhe kryetari i bashkisë së Romës, Roberto Gualtieri, duartrokitën kur kuptuan se ai nuk mund të fliste dhe e panë duke qarë.

Pas pak çasteve Papa vijoi me fjalën e tij teksa vazhdoi “…popullit ukrainas për paqen që kemi kërkuar prej kaq kohësh Zotit. Përkundrazi, më duhet t’ju paraqes lutjet e fëmijëve, pleqve, nënave dhe baballarëve dhe të rinjve të asaj toke martire, që po vuan kaq shumë”.