Një peshkatar britanik ka arritur të kapë një peshk muskat gjigant në Tajlandë, me një peshë mbi 190 kilogramë, i cili konsiderohet si një nga më të mëdhenjtë në botë. Dean McEwan, i cili punon si inxhinier në rafinerinë e naftës Renfrewshire në Skoci, u befasua kur zbuloi gjallesën gjigante në Palm Tree Lagoon Fishery.

36-vjeçarit iu deshën më shumë se 3 orë, i ndihmuar edhe nga tre persona të tjerë, të nxirrte peshkun nga uji. Nuk ka asnjë rekord zyrtar për muskatin më të madh të kapur ndonjëherë në botë dhe për këtë arsye, peshkatari britanik është shprehur i sigurt se ai ka arritur të kapë peshkun më të madh në botë.

Kur ndjen për herë të parë fuqinë e këtyre peshqve, aty e kupton se pse ata mbajnë titullin e peshkut më të luftarakë të ujërave të ëmbla në botë. Kam kapur muskatë edhe më parë dhe e mendova me çfarë mund të përballesha, por më pas u befasova kur nxora në breg një gjallesë të tillë.

Rikujtojmë, se një peshk i madh dhe i kuq është kapur së fundmi në Francë. Peshkatari Andy Hackett ka kapur më të madhin në botë, që peshon 30,5 kg. “Gjithmonë e kam ditur që një peshk i tillë ishte diku rrotull, por nuk e mendoja kurrë se mund ta kapja një ditë. Pata fat”, tha ai. Sipas mediave angleze, këtij peshkatari iu deshën 25 minuta që ta kapte këtë peshk të kuq të rrallë.