Pas suksesit të menjëhershëm të filmit “Top Gun: Maverick”, aktori Tom Cruise po merr një mbështetje jashtëzakonisht të madhe nga fansat dhe miqtë e tij me qëllimin për të fituar edhe një çmim Oscar në lidhje me të gjithë kontributin që ai ka dhënë në xhirimet e këtij projekti mjaft të pëlqyer.

Legjenda e filmave aksion duhet të marrë një çmim Oscar për kthimin e audiencës në kinema pas pandemisë, sipas mikut dhe njëkohësisht kolegut të tij Jay Ellis. Ai beson se Cruise është aktori më i madh i filmit dhe duhet të shpërblehet për angazhimin e tij në industrinë e filmit. Cruise është nominuar tre herë për një Oscar, por nuk e ka fituar kurrë çmimin e madh. I pyetur nëse e meriton të nderohet këtë herë, Ellis tha se:

Teksa filmi u shty për shkak të pandemisë, ai na kontaktoi dhe na tha se ky film do të ishte në kinema. Përvoja e shikimit të këtij filmi do t’i bëjë njerëzit të duan të shkojnë në kinema dhe ta duan përsëri filmin. Dhe ai kishte të drejtë. E ndihmoi botën të ndihej gati për t’u rikthyer në kinema.

Vendimi i Cruise për të qëndruar i palëkundur pavarësisht presionit për të mos shitur “Top Gun: Maverick” në platformat e transmetimit ka tërhequr vëmendjen e shikuesve dhe ka arritur ta bëjë filmin akoma edhe më të suksesshëm duke grumbulluar rreth 1.4 miliardë dollarë gjatë shfaqjes së tij në kinema.

Aktori aktualisht është duke xhiruar filmin e shtatë në ekskluzivitet. “Mission: Impossible – Mortality Sequel (Pjesa 1)” që do të mbërrijë gjatë verës së vitit 2023 dhe në javët e fundit, videot dhe imazhet nga xhirimet janë zbuluar. Megjithatë, ky i fundit do t’ju ‘ngrijë’ gjakun.

 

View this post on Instagram

 

A post shared by TOP ALBANIA RADIO (@topalbania_radio)