Të dini se si ta vishni fëmijën tuaj për të fjetur gjatë dimrit mund të jetë sfiduese për prindërit që duan të sigurojnë që i vogli i tyre të flejë mirë dhe të qetë kur temperaturat ulen. Shumë pak shtresa mund ta ftohin atë gjatë natës, por edhe veshja e shumë shtresave mund ta rrezikojnë për shkak të mbinxehjes. Pra, cila është gjëja më e mirë për të zgjedhur dhe çfarë duhet të keni në shtëpinë tuaj për çdo rast? Ne kemi marrë përgjigjet për të gjitha shqetësimet që ju mund të keni nga një analizë të kryer nga Kate Holmes, e cila u shpreh:

Ne e dimë se muajt e ftohtë mund të jenë të vështirë për familjet dhe ne e kuptojmë se mund të jetë joshëse ta mbështillni fëmijën tuaj për ta mbajtur atë të ngrohtë ndërsa fle. Megjithatë, ne e dimë se mbinxehja rrit shanset e sindromës së vdekjes së papritur të foshnjave dhe hulumtimet tregojnë se është më mirë që foshnjat të jenë më të freskëta sesa shumë të nxehtë.

Për të zvogëluar rrezikun e mbinxehjes është sugjeruar nga ana e saj që të shmangni përdorimin e shtratit dhe jorganëve të trashë dhe të hiqni çdo veshje të jashtme kur t’i vendosni ato brenda në krevat. Gjatë dimrit, duhet të mbulohen zakonisht mirë dhe jo mbi lartësinë e shpatullave. Gjithashtu sugjerohet që foshnja ose fëmija juaj të ketë një krevat të rregulltë dhe për foshnjat sugjerohet që të mbështillen me batanije të ngrohtë që janë posaçërisht për to.

Nëse jeni duke përdorur një batanije gjumi për fëmijë, mos u tundoni të shtoni batanije shtesë mbi këtë. Gjithashtu mos përdorni shishe me ujë të nxehtë ose batanije elektrike në çdo hapësirë për gjumin e foshnjës pasi edhe këto mund të shkaktojnë rritje të temperaturës të foshnjës tuaj. Duhet të përmendim se çdo fëmijë është i ndryshëm dhe është e rëndësishme që rregullisht ta kontrolloni fëmijën tuaj për shenja se po bëhet shumë i nxehtë ose shumë i ftohtë.  Nëse foshnja juaj është shumë e nxehtë, pjesa e pasme e qafës ose gjoksi i tyre do të ndihet i djersitur ose i njomë.

Të ndjesh duart ose këmbët e foshnjës nuk është një mënyrë e besueshme për të monitoruar temperaturën e tyre, pasi ata gjithmonë do të ndihen më të ftohtë se pjesa tjetër e trupit të tyre. Temperatura e rekomanduar e dhomës për një fëmijë është 16-20 gradë, e cila mund të jetë e vështirë për t’u mbajtur në muajt e ngrohtë. Foshnjat nuk janë në gjendje të rregullojnë temperaturën e tyre, kështu që mund të nxehen shumë dhe nuk janë në gjendje të largohen nga burimi i nxehtësisë.