Sedimentimi mund të zvogëlojë kapacitetin e depozitimit të gati 50.000 hidrocentraleve të mëdhenj në mbarë botën me një çerek deri në mesin e shekullit dhe të kërcënojë furnizimet me ujë dhe energji, ka zbuluar një studim i Kombeve të Bashkuara.

Ekspertët e OKB-së mblodhën të dhëna për më shumë se 47,000 hidrocentrale në 150 vende dhe përcaktuan se kapacitetet e tyre janë tashmë 16 për qind më të ulëta se sa ishin në fazën fillestare të funksionimit.

Deri në vitin 2050 do të ulet me 22.4 për qind, në 4655 miliardë metra kub ujë, llogaritën ata.

Humbja më e madhe e kapaciteteve kërcënon SHBA-në, prej gati 34 për qind. Pasohet nga Brazili, i cili mund të humbasë 23 për qind të kapacitetit të tij, dhe India dhe Kina, me një humbje të vlerësuar përkatësisht 26 dhe 20 për qind.

Mbyllja e rrjedhës natyrore të lumit shkakton sedimentim në rezervuarë, gjë që mund të dëmtojë turbinat dhe të ndërpresë prodhimin e energjisë, shpjegon OKB.

Pengesat për lëvizjen e lirë të sedimentit mund të rrisin njëkohësisht rrezikun e përmbytjeve në pjesën e sipërme të rrjedhës së lumit dhe të dëmtojnë habitatet e poshtme, theksojnë ata.

Kritikët kanë paralajmëruar prej kohësh se kostot afatgjata sociale dhe mjedisore të hidrocentraleve të mëdha janë shumë më të mëdha se efikasiteti i tyre energjetik.

Sot, bota ndërton shumë më pak hidrocentrale, vetëm rreth pesëdhjetë në vit, theksoi drejtori i Institutit të OKB-së për Ujë, Mjedis dhe Shëndet dhe një nga autorët e studimit, Vladimir Smakhtin, krahasuar me 1000 në vit në mesi i shekullit të kaluar.

“Unë do të thosha se duhet të pyesim se cilat janë alternativat ndaj digave – duke përfshirë prodhimin e energjisë elektrike – duke qenë se ato po çaktivizohen ngadalë,” tha Smakhtin.

Kina vazhdon të bllokojë lumenjtë kryesorë pasi hidrocentralet janë një pjesë kyçe e planeve të saj për të reduktuar përdorimin e karburanteve fosile dhe për të kontrolluar emetimet e gazeve serrë. Megjithatë, projekte si Three Gorges, hidrocentrali më i madh në botë, janë të dëmshëm për shoqërinë dhe mjedisin.