Nëse keni një dasmë tani në dimër, nxitja dhe motivimi për të qëndruar në rrugën e duhur me ushqyerjen e shëndetshme nuk është aspak e lehtë. Pjesëmarrja në dasma është argëtuese dhe elementët si ushqimi, familja dhe miqtë i bëjnë ritualet, traditat dhe festimet të vlejnë. Nëse jeni në një dietë për humbje peshe, kjo kohë e vitit është jashtëzakonisht e vështirë për t’ju frenuar nga dëshirat tuaja të të ngrënit.

Por shtimi në peshë pas dasmës është zhgënjyes. Por mos kini më frikë pasi ka disa mënyra të thjeshta për të mbajtur rrugën tuaj të humbjes së peshës në rrugën e duhur. Nutricionistja e famshme Rujuta Diwekar, klientela e së cilës përfshin të famshëm të Bollywood-it, modele dhe madje edhe lojtarë të kriketit, ndan disa këshilla që do të ishin vërtet të dobishme herën tjetër kur të merrni pjesë në një martesë.

Mos hani ushqime kalorike që shërbehen në porcione të vogla

Ushqimet në porcione të vogla që kamarierët ju servitin, janë ushqime të shijshme dhe që gjendjen me bollëk në një dasmë. Gjithashtu, në zonën e ushqimit do të gjeni ‘snack bare’ dhe sportele të ndryshme nga të cilat keni shumë mundësi për të zgjedhur. Rujuta thotë që të shmangni këto sportele të mbushura me kalori, me shumë yndyrë dhe petë dhe në vend të kësaj zgjidhni opsione më të shëndetshme si pjata të pjekura në skarë ose ndonjë pjatë të pasur me proteina. Këto janë të shijshme, por me pak kalori.

Hani vetëm një lloj ushqimi

Hani gjithmonë vetëm një lloj kuzhine në vend që të përzieni kalori të ndryshme. Sportelet e kuzhinës italiane me pica dhe makarona janë një shenjë vdekjeprurëse për dietën tuaj për humbje peshe. Rujuta rekomandon të shkoni në sportele me kuzhina më të shëndetshme, relativisht të ulëta në karbohidrate, si indiane.

Merrni një tavolinë larg bufesë

Nëse uleni pranë bufesë së ushqimeve, me siguri do të tundoheni dhe do të vazhdoni të mbushni pjatën tuaj me ushqime të pashëndetshme. Prandaj, më e mira është të jeni sa më larg nga sportelet e ushqimit, në mënyrë që të hani aq sa dëshiron barku juaj, jo lakmia juaj.

Mos e anashkaloni mëngjesin të nesërmen

Një nga gabimet më të mëdha, sipas Rujutës që bëjmë është të mos hamë mëngjesin të nesërmen në mëngjes. Shumica prej nesh hanë tepër në dasma dhe kështu ndihen më të ngopur edhe ditën tjetër. Megjithatë, rekomandohet që duhet të hani mëngjes pasi një vakt i shëndetshëm mund t’ju ndihmojë të ktheheni në rrugën e duhur.