Mungesa e dukshme e Princit Harry dhe Meghan Markle në festën e fundit të ditëlindjes së Oprah Winfrey tregon se midis personazheve protagonistë me shumë mundësi mund të jetë krijuar një marrëdhënie e ftohtë. Oprah festoi ditëlindjen e saj të 69-të gjatë fundjavës, me yje si Kim Kardashian, Jennifer Lopez dhe Sharon Stone, të gjithë të gatshëm për të ndihmuar moderatoren legjendare të kalojë një mbrëmje a më të paharrueshme.

Por Harry dhe Meghan nuk u panë askund në festën e mbushur me yje, diçka që ka habitur shumë njerëz për faktin se Oprah ishte gazetarja me të cilën ata zgjodhën të uleshin për intervistën e tyre shpërthyese televizive në 2021. Nuk dihet nëse çifti kishte një ftesë paraprake dhe thjesht nuk ishin në gjendje të ishin në festë apo nëse Oprah, e cila mori pjesë në dasmën e Harry-t dhe Meghan-it në vitin 2019, e kundërshtoi çiftin dhe i la jashtë listës së të ftuarve.

Ndërsa askush nuk e di me siguri pse Duka dhe Dukesha nuk morën pjesë në festën e ditëlindjes së mikeshës së tyre, një ekspert ka sugjeruar se mungesa e tyre e dukshme mund të nënkuptojë diçka më të madhe. Ekspertja Kara Kennedy pretendon se ata që janë kundër Harry-t dhe Meghan-it po e përdorin këtë gjë kundër tyre, pas vendimit të çiftit për të treguar historinë e tyre përmes dokumentarëve të Netflix dhe kujtimeve. Ajo u shpreh:

Është e lehtë të kuptosh pse Oprah nuk do ta dëshironte çiftin në ditëlindjen e saj pas zbulimeve të fundit të Harry-t. 

Gjatë intervistës së tyre televizive me Oprah në mars 2021, Harry dhe Meghan pohuan se një anëtar i familjes së Harry-t kishte shprehur shqetësime se çfarë ngjyre do të kishte lëkura e djalit të tyre Archie, ndërsa ish-aktorja e “Suits” ishte ende shtatzënë. Zbulimi bëri që shumë të spekulojnë nëse Familja Mbretërore është një institucion racist, por Harry i kritikoi ato pretendime në fillim të këtij viti.