Stormi, e cila është fëmija më i madh i Jenner dhe yllit të rrepit të Astroworld, Travis Scott, lindi më 1 shkurt 2018 në Los Angeles, Kaliforni. Familja Jenner dhe Kardashian e uruan sot në Instagram ditëlindjen e Stormit. Kylie, e cila u pa në Karaibe kohët e fundit dhe Travis kanë gjithashtu një djalë 11 muajsh, emri i të cilit është Aire.

Nëna e Kylie-t, Kris Jenner, ndau imazhet e vajzës së vogël duke buzëqeshur në një postim nga mëngjesi i së mërkurës. Në postimin e saj ajo shkroi:

Gëzuar ditëlindjen për mbesën time të bukur, të ëmbël, të zgjuar, qesharake, aventuriere, të dashur Stormi! Nuk mund ta besoj se je 5 vjeçe! Ti shpërndan lumturi dhe gëzim kudo që shkon dhe energjia dhe e qeshura jote janë infektive! Ti je vajza, mbesa, kushërira, shoqja dhe motra më e madhe! Vëllai yt është shumë me fat që të ka për të parë dhe unë mezi pres të shikoj lidhjen tënde me të rritet ndërsa rritesh.

Kris shtoi se ata janë të gjithë të bekuar që kanë Stormin në jetën e tyre, duke e quajtur atë ‘vajza ime e çmuar’. Ajo e përfundoi urimin me:

Të dua deri në hënë, Stormi dhe mezi pres të festoj ditën tënde të veçantë me ty! Të dua shumë xoxo.

Një natë më parë, Kylie e mbushi dhomën e vajzës së vogël me dekorime luksoze, që përfshinin një tufë me tullumbace shumëngjyrëshe dhe një shportë dhuratash të mbushura me ëmbëlsira. Themeluesja e “Kylie Cosmetics” ka shumë për të festuar këtë javë pasi të nesërmen do të festojë ditëlindjen e parë të djalit të saj Aire. Kylie ndau pamjet e dhomës së zbukuruar të vajzës së saj me 379 milionë ndjekësit e saj të martën pasdite.

Një sërë tullumbacesh rozë, vjollcë, jeshile, të verdha dhe blu me shirita të gjallë qëndronin pezull mbi shtratin e Stormit. Aty kishte gjithashtu edhe një tullumbace të madhe me njëbrirësh me ngjyrat e ylberit. Ndërsa Kylie e ka uruar të bijën nëpërmjet një story me tullumbace me ngjyra, teksa dukej edhe tullumbacja në formën e numrit pesë e cila ishte e lidhur në komodinën e dhomës.