Një 88-vjeçare, e cila ende performon rregullisht komedi stand-up, u shpall komediania (grua) më e vjetër në botë nga Rekordet Botërore Guinness. Diana Shulman, e njohur ndryshe si D’yan Forest, u certifikua si komediania grua më e vjetër në botë në moshën 87 vjeçe e 201 ditë. Shulman tha se ajo punoi si muzikante për dekada, por iu përqendrua komedisë kur kërkesa për talentin e saj muzikor u zbeh pas sulmeve terroriste të 11 shtatorit 2001.

Shulman gjatë një paraqitje të fundit në The Drew Barrymore Show tha se:

Dhe kështu, më në fund pyeta një mikeshën time: “Si i futesh komedisë? dhe ajo më futi menjëherë në shfaqje dhe pas tre javësh njerëzit qeshën me mua. Unë u mahnita dhe e kam bërë atë që atëherë për 20 vjet.

Shulman iu dha Rekordi Botëror Guinness pas vdekjes së mikes dhe koleges së saj interpretuese, Ruth Miller, e cila ishte gjashtë muaj më e madhe se Shulman. “Dua të them çfarë tragjedie? Por çfarë fati për mua,” tha Shulman me shaka.