Teksa orët kalojnë shpresa për të gjetur persona të gjallë nën rënoja venitet. Sipas mediave vendase mësohet se numri i viktimave nga tërmeti i fatal i mëngjesit të hënës në Turqi dhe Siri është rritur.

Deri më tani mbi 8000 persona raportohet se kanë vdekur, ndërsa dhjetëra mijëra të tjerë janë të plagosur.

Punonjësit e urgjencës punuan gjatë një nate tjetër të ftohtë, në një garë të dëshpëruar kundër kohës për të shpëtuar njerëzit e bllokuar nën rrënoja pasi mijëra ndërtesa u shembën

Mijëra ndërtesa të shembura në të dy vendet dhe agjencitë e ndihmës po paralajmërojnë për pasoja “katastrofike” në veriperëndim të Sirisë, ku miliona njerëz të cenueshëm dhe të zhvendosur tashmë po mbështeteshin te mbështetja humanitare.

Të afërmit e viktimave, me kazma iu bashkuan përpjekjeve të furishme të shpëtimit në një nga qytetet turke të goditura më keq, ndërsa familjet e shqetësuar thanë se shërbimeve të shpëtimit iu desh shumë kohë për t’iu përgjigjur në disa zona.

Një gjendje e jashtëzakonshme tre mujore është shpallur në Turqi nga presidenti Recep Tayyip Erdogan në 10 provincat më të prekura nga tërmeti.

Ndëkohë, vendet në mbarë botën po dërgojnë mbështetje për të ndihmuar përpjekjet e shpëtimit, duke përfshirë ekipet e specializuara, qentë snifer dhe pajisjet, duke përfshirë Italinë, SHBA, Izraelin dhe Tajvanin.

Një nga tërmetet më të fuqishme prej një shekulli që goditi rajonin tronditi banorët në orët e hershme të mëngjesit të së hënës rreth orës 4 të mëngjesit. Tërmeti goditi 23 kilometra (14.2 milje) në lindje të Nurdagi, në provincën Gaziantep të Turqisë, në një thellësi prej 24.1 kilometra (14.9 milje), tha Shërbimi Gjeologjik i Shteteve të Bashkuara (USGS).

Një seri pasgoditjesh jehoi nëpër rajon në orët e menjëhershme pas goditjes fillestare. Një pasgoditje me magnitudë 6.7 pasoi 11 minuta pas goditjes së tërmetit të parë, por tërmeti më i madh, i cili ishte me magnitudë 7.5, goditi rreth nëntë orë më vonë në orën 13:24, sipas USGS.

Ajo pasgoditje me magnitudë 7.5, e cila goditi rreth 95 kilometra (59 milje) në veri të tërmetit fillestar, ishte më i forta nga më shumë se 100 pasgoditjet që janë regjistruar deri më tani.