Megi Pojani njihet si një ndër personazhet më pa komplekse dhe asnjëherë nuk ngurron të shfaqet ashtu siç dëshiron. Herë tepër provokuese e herë shumë ‘funny’, bukuroshja gjithmonë arrin të jetë në qendër të vëmendjes.

Tepër aktive në rrjete sociale, Megi sigurohet që të ndajë me ndjekësit e saj thuajse çdo moment të ditës së saj, duke nisur nga kujdesi për veten, rutinën e saj e shpesh dhe momente shumë ‘funny’. Thuajse gjithmonë, bukuroshja tregon se merret me palestër edhe pse jo në mënyrë të rregullt e vetëm pak më parë na ka zbuluar se ‘i është futur me kokë’ për të arritur sa më shpejt rezultate. Jo vetëm me ushtrime fizike, por dhe me mënyrën e shëndetshme të të ushqyerit që mesa duket nuk i pëlqen aspak dhe këtë nuk ngurron ta tregojë…

Po ha këtë kashtën me qumësht kokosi dhe ca bajame të pjekura, PO PËRPIQEM. 

Megi është siguruar që ta ruajë jetën e saj private gjithmonë dhe ta mbajë larg syve të publikut. Para pak kohësh u përfol për një foto që dukej se ‘nxorri zbuluar’ bukuroshen dhe mund të na ketë zbuluar diçka. Teksa kishte bërë një pauzë të shkurtër nga llogaria e saj në Instagram, para pak javësh ajo ndau disa foto me ne duke darkuar në një restorant. Deri këtu nuk ka asgjë, por një postim në Instagramin e futbollistit të kombëtares, Endri Çekiçi ku shfaqej në po të njëjtin vend ngriti mjaft dyshimet se mund të ketë një lidhje dashurie mes tyre.  Më pas, dyshja u shfaqën duke pushuar në të njëjtin vend dhe kjo duket se deri diku i vërtetoi spekulimet.

Megjithatë në publik, Megi ende vazhdon të shprehet se është ‘single’. Epo çdo gjë mbetet një dyshim derisa ta vërtetojnë vetë protagonistët.

Së fundmi, bukuroshja na zbukuron ekranin e televizorit me prezantimin e ‘Big Brother VIP Fan Club’ të dielën, ora 12:45 çdo javë vetëm në Top Channel.