Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.

Teksa banorët po bënin batuta me Armaldon lidhur me raportin që ai ka krijuar me Valbonën, Deamishel u shpreh se nuk e kupton pse ai e thërret “motër” Valbonën. Ishte pikërisht ky koment, që solli reagimin e ashpër të Valbonës, e cila i kërkoi Deas, që duke nisur nga ai moment e në vijim, mos t’i flasë më asaj.

Në kuadër të ditës së të dashuruarve, Vëllai i Madh ftoi banorët të shkruajnë një letër dashurie dedikuar dikujt që ata duan, brenda ose jashtë shtëpisë. Banorët do të marrin kohën e nevojshme për të shkruar këtë letër dhe do të kenë të drejtën mos ta shkruajnë emrin e tij/saj nëse ata nuk dëshirojnë.