Para se fëmija të vijë në jetë, çdo grua shtatzënë është e informuar mirë për gjithçka që duhet bërë në mënyrë që çdo gjë të shkojë mirë. Pavarësisht nëse bëhet fjalë për prerje cezariane apo lindje natyrale, gjinekologët shpesh theksojnë se sa e rëndësishme është që një grua shtatzënë të heqë manikyrin para se ta lindë fëmijën.

Arsyeja është se gjatë lindjes mjekët monitorojnë shenjat vitale të gruas shtatzënë, si rrahjet e zemrës, presionin dhe sasinë e oksigjenit në gjak. Për këtë, një sensor vendoset në majë të gishtit tuaj, i cili mat nivelet e oksigjenit në gjak duke kaluar dritën e kuqe nëpër thonjtë tuaj. Kjo bëhet përmes një pajisjeje, e cila njihet si puls oksimetër, e cila ndihmon në monitorimin e oksigjenimit të hemoglobinës së pacientit.

Oksimetri funksionon duke ndriçuar dritën përmes thonjve të gishtit tuaj dhe duke matur se sa dritë përthithet. Sa më shumë të absorbohet drita, aq më i lartë është niveli i oksigjenit në gjakun tuaj. Manikyri mund ta pengojë këtë monitorues të funksionojë në mënyrë efektive dhe mund të veprojë si një parandalues, duke ulur efektivitetin e tij. Kjo është arsyeja pse manikyri i çdo lloji kërkohet të hiqen para lindjes së fëmijës ose përpara çdo lloj operacioni.

Kimikatet toksike në aromat, manikyrat e thonjve dhe shampo mund të rrisin rrezikun e diabetit të tipit 2 tek gratë, sugjeron një studim. Ftalatet janë kimikate që forcojnë plastikën dhe përdoren si lubrifikant në shumë produkte kozmetike.

Kimikatet mund të depërtojnë nëpër lëkurë dhe të shkaktojnë dëme në mëlçi, veshka, mushkëri dhe organe të tjera. Studiuesit nga Universiteti i Miçiganit, të cilët gjurmuan 1,300 gra të moshës së mesme gjatë gjashtë viteve zbuluan se ato me ekspozim të lartë ndaj kimikateve kishin 63% më shumë gjasa për të zhvilluar diabetin e tipit 2.