Artisti i njohur me famë ndërkombëtare mbërrin ditën e sotme në Tiranë.

Burime ekskluzive për Vip Magazine bëjnë me dije se ndryshe nga artistët e tjerë të huaj që kanë performuar në kryeqytet, Ricky ka zgjedhur të udhëtojë drejt Tiranës dy ditë para koncertit për ta vizituar atë nga afër para se të ngjitet në skenë.

Koncerti i shumëpritur që do të sjellë në vendin tonë këngëtarin e hiteve të njohura si “Livin’ La vida loca” etj., do të mbahet të enjten mbrëma në sheshin “Skënderbej”.

Kjo është hera e parë që Ricky Martin viziton Tiranën. Koncerti i tij do ta kthej sheshin “Skënderbej” edhe njëherë në sheshin e festës brenda pak javësh, pas performancës së artistit latin Enrique Inglesias.