Nëna e Beyonce, Tina Knowles, ka bërë kërkesë për divorc nga bashkëshorti i saj i dytë, Richard Lawson. Sipas dokumenteve gjyqësore të siguruara nga Page Six, 69-vjeçarja ka vendosur për të përfunduar zyrtarisht martesën e tyre 8-vjeçare. Knowles përmendi “dallimet e papajtueshme” si arsyetimin për ndarjen e tyre. Dyshja nuk ndajnë asnjë fëmijë. Thashethemet e ndarjes filluan të qarkullojnë në fillim të këtij muaji. Fansat vunë re se ajo kishte ndryshuar biografinë e saj në Instagram nga Tina Lawson në Tina Knowles.

Pavarësisht se ishin njohur me njëri-tjetrin për dekada, dyshja nuk filluan të takoheshin deri në vitin 2013. Ata u martuan dy vjet më vonë në një jaht në Newport Beach, Kaliforni. Para lidhjes së saj me aktorin, autorja e “Destiny’s Style” ishte e martuar me Mathew Knowles, me të cilin ka vajzat Beyonce dhe Solange.

Rikujtojmë se diva e muzikës pop Beyonce nuk ka një marrëdhënie të mirë me vëllanë e saj nga babai, Nixon Knowles. 14-vjeçari ishte fryt i lidhjes që babai i këngëtares, Mathew Knowles pati me nënën e Nixon ndërkohë që ishte ende i martuar me nënën e Beyonce, Tina Knowles-Lawson. Ai gjithashtu ka një vajzë të vogël të lindur jashtë martese.