Xhensila Myrtezaj është një këngëtare shumë e pëlqyer nga publiku dhe këngët e saj numërojnë miliona klikime vetëm pak ditë pas publikimit. Dy projektet më të fundit muzikore nga Xhensila kanë qenë dy bashkëpunime, ai me Klajdi Harunin që u këndua për herë të parë ‘live’ në finalen e madhe të ‘BBV 2’ dhe më i fundit që u publikua para një muaji në duet me Majk ‘T’i fala’.

E duket se bukuroshja nuk ka të ndalur për këtë sezon veror, pasi vetëm pak më parë me anë të një karuseli me fotografi na ka zbuluar ‘look-un’ e saj në projektin muzikor të radhës duke na treguar kështu dhe titullin e këngës, ‘Pina Pina’, që mesa duket do të publikohet më shpejtë nga sa mendonim.

‘Pina Pina’, në periudhën më të mirë të verës… së shpejti

Para pak javësh, vogëlushja e Xhensila Myrtezaj dhe Bes Kallakut, Ajka festoi ditëlindjen e saj dhe me anë të një video-urimi me disa momente shumë të ëmbla të familjes, krahas artistja e ka uruar me fjalët më të bukura. Mirëpo, surpriza më e bukur për Ajkën dhe të gjithë ndjekësit ishte një moment shumë i shkurtër i video-s së plotë ku shfaqet Besi dhe vogëlushja teksa i puthin barkun Xhensilës duke i konfirmuar kështu zërat se bukuroshja është sërish shtatzanë dhe ne i urojmë një rrugëtim sa më të ëmbël!