Përdorimi i inteligjencës artificiale në diagnostikimin e kancerit të gjirit është i sigurt dhe pothuajse mund të përgjysmojë ngarkesën e punës së radiologëve. Kanceri i gjirit është kanceri më i zakonshëm në mbarë botën, me më shumë se 2.3 milionë gra që diagnostikohen me këtë sëmundje çdo vit. Depistimi mund të përmirësojë prognozën dhe të zvogëlojë vdekshmërinë duke e zbuluar kancerin në një fazë më të hershme dhe më të trajtueshme.

Rezultatet paraprake të një studimi të madh tregojnë se shqyrtimi i Inteligjencës Artificiale vlen sa dy radiologë që punojnë së bashku, nuk rrit rezultatet false dhe pothuajse përgjysmon ngarkesën e punës. Rezultatet e analizave të përkohshme të këtij lloji, që përfshin më shumë se 80,000 gra, u botuan në revistën Lancet Oncology. Ky studim i fundit, gjatë së cilit u ndoqën gra të një moshe mesatare 54-vjeçe në Suedi, ndryshon nga rastet e tjera pasi krahason drejtpërdrejt shqyrtimin e asistuar nga AI me praktikën standarde.

Gjysma e mamografive u vlerësuan nga dy radiologë, ndërsa gjysma tjetër u vlerësuan nga rishikimi i asistuar nga AI, i ndjekur nga interpretimi prej një ose dy radiologëve. Në përgjithësi, 244 gra (28%) ekzaminimi i të cilave u bë nga Inteligjenca Artificiale u zbulua se kishin kancer krahasuar me 203 gra (25%) të ekzaminuara me metodën standarde. Kjo rezultoi në zbulimin e 41 kancereve të tjera me mbështetjen e Inteligjencës Artificiale.

Përdorimi i Inteligjencës Artificiale nuk krijoi raste pozitive false. Norma e “false positive” ishte 1.5% në të dy grupet. U bënë gjithashtu 36,886 më pak lexime në ekran nga radiologët në grupin e AI krahasuar me grupin e zakonshëm të kujdesit, duke rezultuar në një ulje prej 44% të ngarkesës së leximit të ekranit të radiologëve.