Shkencëtarët në një spital amerikan kanë zhvilluar një pilulë “vrasëse të kancerit” që vret tumoret e ngurta përmes “kimioterapisë së synuar”. Ilaçi i ri është një punë kërkimore e 20 viteve dhe tani po i nënshtrohet kërkimeve paraklinike në SHBA. I njohur si AOH1996, ai synon një variant kanceroz të një proteine të quajtur antigjeni bërthamor i qelizave proliferuese (PCNA).

Në formën e saj të mutuar, PCNA është “kritike” në replikimin e ADN-së dhe riparimin e të gjithë tumoreve në zgjerim. AOH1996 është duke u punuar nga City of Hope, një nga organizatat më të mëdha të Amerikës për kërkimin dhe trajtimin e kancerit.

“Të dhënat sugjerojnë se PCNA ka ndryshuar në mënyrë unike qelizat e kancerit dhe ky fakt na lejoi të hartonim një ilaç që synonte vetëm formën e PCNA në qelizat e kancerit”,-shpjegoi profesorja Linda Malkas, e cila ka zhvilluar ilaçin. Pilula ka rezultuar të jetë efektive në trajtimin e qelizave tumorale që rrjedhin nga kanceri i gjirit, prostatës, trurit, vezoreve, qafës së mitrës, lëkurës dhe mushkërive.