Rusia do të ulë eksportet e naftës me 300,000 fuçi në ditë në shtator, tha sot zëvendëskryeministri Alexander Novak.

“Si pjesë e përpjekjeve për të siguruar që tregu i naftës të mbetet i balancuar, Rusia do të vazhdojë të reduktojë vullnetarisht furnizimet e saj me naftë nga muaji shtator me 300,000 fuçi në ditë, duke kufizuar eksportet e saj me këtë sasi në tregjet botërore,” tha Novak.

Pas sulmit të ri në Moskë, kryeqyteti ukrainas, Kiev, dhe objektet industriale në jug të rajonit Odesa të Ukrainës në Detin e Zi janë vënë sërish në shënjestër nga Rusia. Si pasojë e sulmeve me dron, pasti edhe shpërthime zjarri. Një kapanon drithi u dëmtua, sipas kreut rajonal Oleh Kiper, i cili nuk dha detaje të mëtejshme. Deri më tani nuk ka raportime për viktima.

Presidenti Erdogan në një bisedë telefonike me homologun rus Vladimir Putin i bëri thirrje liderit të Moskës të mos i përshkallëzojë më shumë tensionet, pasi Moska i sulmoi me dronë objektet jetike për eksportimin e drithërave nga Ukraina.

Presidenti rus Vladimir Putin i përsëriti kolegut të tij turk Rexhep Tajip Erdogan gatishmërinë e Moskës për të rihyrë në marrëveshjen për eksportin e sigurt të grurit nga Deti i Zi, vetëm kur Perëndimi të ketë përmbushur të gjitha detyrimet e tij ndaj Rusisë, të parashikuara nga marrëveshja. Nga ana tjetër dy liderët kanë rënë dakord për vizitën e përfolur të Putin në Turqi.

“Pas sulmit, zjarret shpërthyen në objektet portuale dhe infrastrukturën industriale në rajon dhe një ashensor u dëmtua”, shkroi Kiper në Telegram.

Autoritetet lokale thonë se më shumë se dhjetë dronë rusë që synonin Kievin u rrëzuan, duke shkaktuar dëme materiale, por jo viktima.

“Të gjitha objektivat – më shumë se dhjetë drone – u gjetën dhe u shkatërruan në kohë,” tha kreu i administratës ushtarake Serguii Popko në Telegram.