Një studim norvegjez interesant tregoi se rreth 15 % e grave të martuara i tradhtojnë burrat e tyre të paktën një herë, ndërsa rreth 20 % e burrave i tradhtojnë partnerët e tyre. Gratë e suksesshme me të ardhura të larta janë më të gatshme për të flirtuar dhe për të përdorur hijeshitë femërore te burrat e tjerë, ndërsa studiuesit besojnë se arsyeja për këtë është vetëbesimi më i madh, pikëpamja më liberale dhe mundësitë më të mëdha që u jepen në krahasim me gratë e rritura në frymën tradicionale dhe me profesione më pak të paguara. Udhëheqësi i studimit, profesori Joris Lammers nga Universiteti i Tilburgut, shpjegon se:

Si për gratë ashtu edhe për burrat, fuqia vepron si një afrodiziak dhe është një supozim i gabuar që gratë ndihen më fajtore për shkak të tradhtisë bashkëshortore, aq më tepër, ato kanë më pak pendim pas tradhtisë bashkëshortore.

Religjioni dhe besimet morale nuk janë aq të lidhura me gatishmërinë e një individi për ta tradhtuar partnerin e vet, në raport me rastin, mundësinë dhe fuqinë. Përveç kësaj, hulumtimi ka vërtetuar se fillimi i të 30-tave është mosha më e zakonshme e jetës në të cilën gratë tradhtojnë dhe kjo shpjegohet me zvogëlimin e fertilitetit dhe me fokusimin në aspektet seksuale të lidhjes, kur burrat nuk gjykohen më sipas parimit “a do të ishte një baba i mirë për fëmijët e mi”.

Ekspertja britanike, Diana Appleyard, thekson se ka ende opinione të ndryshme në shoqëri për tradhtinë e burrave dhe grave, dhe teksa një burrë do të justifikohet nga një dëshirë seksuale më e fortë duke përfituar nga një mundësi, madje edhe duke u joshur nga një grua. Nga ana tjetër gratë që tradhtojnë paraqiten si planifikuese dhe të pandjeshme, si dhe “shkatërruese” familjesh.

Tradhtia mund të ndodhë për një numër të madh arsyesh, e një nga këto arsye duket të jetë dhe hakmarrja. Sipas faqes së web-it ‘Illicitencounters’, e cila shërben si ndërmjetës mes personave të martuar me persona tjerë të martuar që kërkojnë lidhje, 33% e tradhtarëve e kryejnë këtë akt vetëm për t’iu hakmarrë partnerit që ka pasur një marrëdhënie me dikë tjetër, fizike ose emocionale.