Në Discovery+ mbërrin dokumentari kushtuar një prej çifteve më të diskutuar dhe më kontrovers të showbiz-it. Dokumentari, i titulluar “Kim Kardashian vs Kanye West: Divorce” është i disponueshëm në këtë platformë që nga 10 gushti dhe tregon historinë e ndërlikuar të dashurisë mes yllit televiziv dhe reperit, e cila filloi në 2014 dhe përfundoi në 2022, pas vitesh të betejave ligjore, krizave dhe akuzave të të gjitha llojeve.

Në “The Kardashians”, një serial dokumentar për familjen e Kim u diskutua çështja e divorcit dhe të gjitha marrëdhëniet që erdhën pas përfundimit të martesës së saj ndër të gjitha, ajo me komedianin Pete Davidson. Por ka ende shumë për të thënë për dashurinë e përfunduar mes Kim dhe Kanye.

Dokumentari Discovery+ trajton ndarjen mes të dyve nga një këndvështrim i dyfishtë. Gjatë martesës ish-çifti patën katër fëmijë, North, Saint, Chicago dhe Psalm. Divorci mes Kim dhe Kanye është padyshim më i madhi i dekadës së fundit.

Kardashian ka shprehur së fundmi trishtimin dhe zhgënjimin e saj të madh për ndryshimet drastike që i kanë ndodhur ish-bashkëshortit të saj, Kanye West. Në një video të shkurtër të publikuar për një episod të ardhshëm të reality show-t “The Kardashians”, themeluesja e SKIMS flet me motrën e saj, Khloe. Kur Khloe e pyeti nëse ishte mirë, Kim u përlot dhe tha:

Unë thjesht nuk mundem. Ai është shumë i ndryshëm nga personi me të cilin u martova. E kam dashur dhe e mbaj mend. Do të bëja gjithçka për ta rikthyer atë fytyrë. Është ndjenja më e vështirë të shohësh dikë që e ke dashur vërtet dhe të kesh një familje me të, të jetë kaq i ndryshëm nga personi që ke njohur. Ndonjëherë më duket sikur ai ka prekur fundin…I thoja vetes ‘jepi mundësi tjetër.’ Por tani nuk e kam më atë energji.