Meghan Markle veshi veshjet e stilistëve e vlerë mbi 5000 dollarë  në një mot  të ngrohtë me diell në Montecito, Kaliforni, të enjten. Pavarësisht motit 21 gradë, Dukesha e Sussex-it veshi një pallto Max Mara Raspoli në ngjyrë deveje prej 1625 dollarësh, e cila nuk është më e disponueshme për blerje, një shall kashmiri 1225 dollarësh të printuar në ngjyrë blu dhe ngjyrë kafe Hermès Rayures D’Ete dhe pantallona të bardha, sipas fotove të marra ekskluzivisht nga Page Six.

Ajo kombinoi pamjen e saj komode me shaminë e zezë të Chanel, me vlerë rreth 1,150 dollarë, një rrip Givenchy 450 dollarë dhe njç çantë të bardhë Goyard 1,650 dollarë. Markle u pa duke ecur nëpër një parking me një truproje të dukshme pranë.

Dalja e saj gjatë ditës në Montecito ku ajo banon me bashkëshortin Princ Harry dhe dy fëmijët e tyre: Princin Archie, 4 vjeç dhe Princeshën Lilibet, 2 vjeç – vjen vetëm disa ditë pasi ajo u pa duke shijuar turneun Eras të Taylor Swift në Los Angeles.

Siç u raportua më parë, ish-aktorja e “Suits” mori pjesë në shfaqjen e këngëtares “Bad Blood” gjatë natës së pestë të yllit të popit në stadiumin SoFi në Inglewood, Kaliforni. Ajo dhe shoqja e saj Lucy Fraser u panë duke tundur duart në ajër dhe duke kënduar së bashku te hitet e Swift-it. Ndërkohë, bashkëshorti i saj, Princi Harry, ishte në Tokio, duke kaluar kohë me shokun e tij Ignacio “Nacho” Figueras, të cilin ai njihet që nga viti 2007.