Aktori i njohur Bruce Willis, i diagnostikuar me demencë frontotemporale disa muaj më parë, jeton larg vëmendjes së publikut dhe po i kushtohet me kohë të plotë familjes së tij, të cilët kujdesen për shëndetin e tij dhe janë pranë tij në çdo moment. Një nga anëtarët e familjes së tij është Tallulah, vajza e tij 29-vjeçare dhe ajo së fundmi ka dhënë një intervistë në të cilën ka zbuluar detaje nga përditshmëria e yllit të ‘Die Hard’ që kur ai u diagnostikua. Për Vogue ajo u shpreh:

Këto ditë, babai im mund të gjendet me siguri në katin e parë të shtëpisë, diku në planin e madh të kuzhinës-ngrënies-dhomës së ndenjes, ose në zyrën e tij. Fatmirësisht, demenca nuk ka ndikuar në lëvizshmërinë e tij.

Mesa duket, një nga ato dhoma ku Bruce Willis pëlqen të qëndrojë më shumë, përmban disa elementë që e ndihmojnë ish-aktorin të kujtojë disa emra apo ngjarje të rëndësishme. Ajo shpjegon se:

Ajo zyrë ka qenë gjithmonë një lloj dritareje në atë që ai është më i interesuar në çdo moment. Së fundmi gjeta aty një copëz letre në të cilën ai kishte shkruar thjesht ‘Michael Jordan’. Do të doja ta dija se çfarë po mendonte. Dhoma është e mbushur me të mirat që ai ka mbledhur: makina lodrash të cilësisë së mirë, monedha, gurë, objekte prej bronzi. Atij i pëlqejnë gjërat që ndihen të rënda në dorë, që mund t’i rrotullojë në gishtat e tij. Gjithmonë luan muzikë.

Për fat të mirë për Tallulah, babai i saj ende njeh familjen e tij dhe është akoma i fuqishëm për të lëvizur dhe për të shkuar nga njëra anë e shtëpisë në tjetrën pa ndihmë. Ishte marsi i kaluar kur u konfirmua diagnoza e demencës frontotemporale, pasi fillimisht i atribuohej sëmundja e njohur si afazia, e cila prek të folurit e tij.