Një tregtar peshku nga Napoli, në Itali, ka marrë shumë vëmendje në rrjetet sociale sidomos në TikTok për ngjashmërinë e tij të jashtëzakonshme me Zelensky-n. Gigi Pescheria, i lindur si Luigi Pisacane, ka më shumë se 1.2 milionë ndjekës në TikTok dhe 104,000 të tjerë në Instagram.

Me kalimin e kohës, ai është bërë i njohur për frazën e tij tërheqëse ‘Buongiorno pescheria’ dhe videot humoristike nga përditshmëria dhe puna e tij. Por nuk kaloi shumë derisa njerëzit filluan të vinin në dukje ngjashmërinë, duke thënë se Gigi është sozia e Zelensky-t.

Komentuesit shkruajnë bën postimet e tij:

Mirëmëngjes zoti President!

Një koment tjetër thoshte:

Volodymyr, ti flet shumë mirë italisht!

Ndonëse Gigi nuk vesh ngjyrat e Zelenskyt me bluzë jeshile ulliri me simbole ukrainase në gjoks, por vesh pantallona dhe çizme pune, ngjashmëria nuk mund të mohohet. Disa njerëz theksuan se ai i ngjan liderit ukrainas jo vetëm në pamjen e tij, por edhe në shprehjet e fytyrës dhe gjestet. Videot e tij të TikTok-ut madje u shfaqën edhe në kanalet e lajmeve ukrainase, dhe Gigi që atëherë ka lëshuar një video duke mirëpritur pretendimet si sozia e Volodymyr Zelensky-t.