Sapo shkeli në vendin e tij u dënua me burg, ish kryeministri i Tajlandës në gjendje të rëndë shëndetësore!
Ish-kryeministri i Tajlandës, Thaksin Shinawatra, është burgosur pasi u kthye në vend pas 15 vitesh në mërgim. Thaksin është dënuar me 8 vite për çështje penale të motivuara politikisht. Ndërkaq, së fundmi mësohet se Thaksin është dërguar në spital për shkak të problemeve shëndetësore.
74 vjeçari u dërgua në spital në orën 1 të mëngjesit gjatë natës së tij të parë në burg. Ai kishte shtrëngim në gjoks, presion të lartë të gjakut dhe nivel të ulët të oksigjenit. Thaksin fluturoi për në Bangkok nga Singapori të martën në mëngjes, pasi kaloi më shumë se 15 vjet në mërgim për të shmangur akuzat ligjore.
Udhëheqësi më i suksesshëm i zgjedhur i Tajlandës, ka qenë prej kohësh i frikësuar nga konservatorët, të cilët kanë mbështetur grushtet e shtetit dhe rastet gjyqësore të diskutueshme për ta dobësuar atë. Por me të mbërritur ai u dërgua menjëherë në Gjykatën e Lartë ku u dënua me tetë vjet për akuzat e pazgjidhura dhe më pas në paraburgim në Bangkok.