Prej disa ditësh ka nisur një polemikë në rrjetet sociale për praninë e tualeteve në formën e gojës së një gruaje në banjat e meshkujve në një palestër në Torino. Palestra është pjesë e një zinxhiri të madh shumëkombësh me qendra fitnesi në qytete të shumta evropiane.

Në përgjigjet e saj, kompania sqaron se ai model WC-je është i pranishëm në “7-8 palestra në Itali dhe disa të tjera në vende të ndryshme të Europës”. Dizajni duket i frymëzuar nga logoja e famshme e Rolling Stones dhe ka përdorues që ia atribuojnë një grafiku të njohur holandez.

Por përdoruesit e internetit kanë lëshuar shumë akuza për patriarkalizëm dhe seksizëm. Për këtë ka folur edhe këngëtarja torineze Greta Squillace me një koment me ironi drejtuar kompanisë, ku shkruan:

Një palestër me tualete në formën e gojës së një gruaje në banjat e burrave. Tashmë mund t’i imagjinoj komentet e dukurive që do të mërzisin njerëzit… do të më vinte turp po të isha në vendin tuaj.