Dronet për Luiz Ejllin brenda shtëpisë së “Big Brother VIP” thjesht nuk kanë të mbaruar!

Ditën e sotme, një tjetër dron është dërguar për këngëtarin, çuditërisht nga Kejvina Kthella.

Fillimsht po aludohej nëse droni ishte nga ana e modeles e kjo për shkak të raporteve aspak të mira që ajo ka patur me Luizin brenda BBV.

Mirëpo motra e modeles, Dorisa Kthella, me anë të disa postimeve në Instagram e ka konfirmuar që droni është dërguar nga vetë ato.

“Fluturimi i parë arriti me sukses,”ka shkruar ajo krahas imazhit të dronit.

Mirëpo para pak minutash motra e Kejvinës ka dhënë një shpjegim publik tek tregoi se Kejvina është përpjekur disa herë t’i kërkojë falje Luizit, mirëpo nuk është lejuar nga produksioni, ndaj ajo ka dërguar dronin ditën e sotme.

“Pas përplasjes dhe debatit të Kejvinës me Luizin natën e prime-it dhe shkuarjes në gjuajtjen me shpullë, kemi tentuar disa herë të kërkojmë falje publike për këtë gjest jo të hijshëm, Luizit personalisht dhe familjes së tij, por nuk na është lejuar.

Kejvina disa ditë më parë iu ka kërkuar falje fansave të tij, por sot arriti më në fund t’i dërgonte një dron, për t’i kërkuar falje për veprimin që ka kryer. Jo vetëm Luizit, por të gjithë shikuesve iu kërkojmë ndjesë sepse nuk jemi njerëz të rritur me dhunë. Por jeta ndonjëherë të vë para zgjedhjeve të gabuara. Nuk është Kejvina ajo që patë atë natë”, ka shkruar motra e Kejvinës në Instagram.