Dashi

Gjatë kësaj dite do jeni pasionantë dhe do ju shkoni deri në fund gjërave që do nisni. Nëse keni një lidhje dhe po dyshoni për besnikërinë e partnerit tuaj, flisni hapur me të dhe vendosini pikat mbi “i”. Po i shtytë gjërat situata mund të ndërlikohet edhe më shumë. Ju beqarët duhet të jeni më të duruar në mënyrë që ta gjeni personin më të përshtatshëm. Në punë ka mundësi të mbizotërojë tensioni në orët e para, megjithatë dalëngadalë çdo gjë do qetësohet. Gjendja e financave do jetë goxha e mirë. Përfitoni për të shlyer borxhet dhe pse jo për të hequr disa para mënjanë.

Demi

Asnjë nuk ka për të ecur ashtu si ju e kishit menduar sot. Neptuni do ua bëjë gjërat më të vështira. Për ju që keni një lidhje pritet një ditë e vështirë. Nuk do keni një komunikim të mirë me personin në krah dhe herë pas here mund të lindin edhe probleme mes jush. Nëse jeni beqarë më në fund do realizoni një takim fantastik i cili do ua ndryshojë humorin. Në punë gjithashtu nuk do jetë ditë e qetë. Planet që keni bërë nuk do mund t’iu realizohen dhe do ndiheni vërtet keq. Urani do jetë planeti që do iu nxitë të ndërmerrni rreziqe në planin financiar, por për fat të mire nuk do keni probleme serioze.

Binjakët

Gjatë kësaj dite do reflektoni herë pas here para se të veproni dhe nuk do bëni gabime. Harmoni, komunikim, bashkëpunim. Për ju të dashuruarit e sotmja do jetë e begatë dhe e mbushur me kënaqësi. Do ndiheni më së miri në çdo moment. Nëse jeni beqarë nuk duhet të tregoheni impulsivë sepse do bëni gabime të pafalshme. Në punë nuk do zhgënjeni asnjë. Të gjitha planifikimet që keni bërë do i realizoni për mrekulli. Do jeni të pakonkurrueshëm. Buxheti nuk do jetë në gjendjen më të mirë të mundshme, por me një menaxhim më të kujdesshëm situata mund të fillojë të përmirësohet.

Gaforrja

Gjatë kësaj dite do keni liri më të madhe veprimi dhe do bëni çdo gjë që dëshironi. Për të dashuruarit e sotmja do jetë e jashtëzakonshme. Pranë partnerit do ndiheni si nëpër ëndrra dhe nuk do doni të zgjoheni për asnjë çast. Nëse jeni beqarë, edhe sikur të doni, nuk do e shmangin dot një dashuri me shikim të parë. Gjithçka do ndryshojë njëherë e përgjithmonë. Në punë do jeni shumë profesionistë dhe të talentuar. Pa u munduar shumë keni për të arritur majat e suksesit. Buxheti do mbetet gjithë kohës i qëndrueshëm dhe nuk do ketë asnjë lloj problemi. Mund t’i lejoni vetes edhe ndonjë investim.

Luani

Mundohuni të tregoheni sa më të kujdesshëm gjatë kësaj dite nëse nuk doni të keni probleme. Merrini gjërat sa më shtruar që të mundeni. Ju që keni një lidhje duhet ta dini se nuk ka asgjë më të rrezikshme për një çift sesa qëndrimi në qetësi, prandaj nëse nuk doni probleme ndryshojeni sa më parë situatën. Ju beqarët do gjendeni në situata me të vërtetë konfuze dhe nuk do dini çfarë hapash të hidhni. Në punë do ndodhin ndryshime shumë të rëndësishme të cilat do ju pëlqejnë. Mundet të ndryshoni edhe postin. Në planin financiar gjendja do stabilizohet edhe më shumë nga sa kishit menduar kështu që mund t’i lejoni vetes edhe ndonjë shpenzim më tepër.

Virgjëresha

Gjatë kësaj dite do tregoheni edhe më të duruar dhe nuk do keni kundërshti me ata që ju rrethojnë. Ju të dashuruarit do jeni më shprehës dhe marrëdhënia me partnerin ka për të qenë e jashtëzakonshme. Shpesh do ju duket sikur jeni nëpër ëndrra. Ju beqarët do bëni edhe sakrifica ekstreme vetëm e vetëm për ta ndryshuar statusin tuaj. Në punë mundohuni të mos e mbingarkoni veten sepse ka kohë për të realizuar gjithçka. Po nxituat mundet edhe të gaboni rëndë. Në planin financiar gjendja nuk do jetë ashtu si duhet, prandaj duhet të reflektoni disa herë para se të hidhni çdo hap.

Peshorja

Dielli do ju bëjë të ndryshoni konceptin që keni për jetën gjatë kësaj dite. Për ju të dashuruarit e sotmja do jetë më pozitive. Në mesditë dhe në mbrëmje mund të keni edhe disa surpriza që do ua mbushin shpirtin me gëzim. Ju beqarët edhe sikur të mos bëni asnjë lloj përpjekjeje, sot keni për ta gjetur shpirtin e tyre binjak. Në punë do ndiqni strategji shumë strikte dhe nuk keni për të pasur aspak probleme. Do dini edhe të përshtateni me situatat e reja. Financat do jenë të paqëndrueshme, prandaj është mirë që në çdo moment të shpenzoni me maturi.

Akrepi

Urani do ju detyrojë të bëni ndryshime të mëdha gjatë kësaj dite. Ambicia nga ana tjetër nuk do ju mungojë. Nëse keni një lidhje do jeni më të vetëdijshëm për gabimet që keni bërë dhe të dy së bashku me partnerin do i analizoni me kujdes detajet. Do kërkoni edhe falje gjatë kësaj dite. Ju beqarët do realizoni disa takime, por ende nuk do ndihen gati për të hedhur hapa. Në punë, Mërkuri do ju afrojë edhe më shumë me kolegët. Së bashku do jeni të pakonkurrueshëm dhe të pamposhtur. Financat do kenë goxha përmirësime kështu që edhe në këtë sektor nuk do keni për çfarë të qaheni.

Shigjetari

Nëse doni që gjërat t’iu ecin sa më mirë sot mundohuni të jeni më realistë. Ju që jeni në një lidhje duhet të flisni me takt dhe përkujdes për çdo gjë sepse në çdo moment situata mund të dalë jashtë kontrollit. Ju beqarët ka rrezik të jeni naivë dhe do bëni gabime të pafalshme. Me shumë do lëndoheni sesa do gëzoheni në momentin e takimeve. Në punë do jeni këmbëngulës e të vendosur prandaj asgjë dhe askush nuk do ju ndalë dot. Për ju çdo gjë ka për të qenë shumë e thjeshtë gjatë kësaj dite. Për fat të mirë në planin financiar fati do ju buzëqeshë dhe gjendja do përmirësohet goxha.

Bricjapi

Dielli dhe Hëna do ua bëjnë gjërat shumë të vështira sot dhe do e keni të vështirë t’i arrini objektivat që i keni vënë vetes. Nëse jeni në një lidhje duhet të bëheni gati për probleme. Do debatoni fort me personin që keni në krah dhe për asgjë nuk do toleroni. Ju beqarët duhet të jeni sa më realistë që të mundeni pasi në të kundërt do përballeni me zhgënjime të shumta. Në punë do keni një ditë disi më të ndërlikuar dhe shpesh do mendoni të hiqni dorë nga gjithçka. Mos e bëni këtë gabim. Gjendja financiare do ketë më shumë përmirësime nga sa ju e kishit menduar ndonjëherë.

Ujori

Gjatë kësaj dite nuk do bëni më gabimet e mëparshme dhe do e shihni jetën me pozitivizëm. Ju të dashuruarit do afroheni edhe më shumë me partnerin tuaj dhe do arrini t’i zgjidhni edhe disa probleme të vogla që ju kanë dalë më herët. Toleranca dhe mirëkuptimi do jenë vlera të çmuara. Nëse jeni beqarë do ëndërroni më tepër nga sa duhet dhe realiteti do ju duket i hidhur. Në punë duhet të ndërmerrni më shumë iniciativa nëse doni të keni arritje të mëdha. Po i latë gjërat pas dore do ju duket çdo gjë edhe më e vështirë. Me shpenzimet tregohuni kursimtarë sepse po e tepruat do mbeteni shpejt pa para.

Peshqit

Sado që të mundoheni gjatë kësaj dite nuk do e përmirësoni dot jetën tuaj. Në disa momente madje do ndiheni të mërzitur. Për ju të dashuruarit e sotmja do jetë e turbullt. Asgjë nuk ka për të ecur ashtu si e kishit menduar dhe në disa moment do keni edhe debate të forta. Ju beqarët do takoheni me dikë gjatë një darke pune ose gjatë një mbledhjeje. Në punë do ju lindin disa ide të mira sesi ta stabilizoni sa më parë situatën në të cilën ndodheni. Kolegët gjithashtu do iu japin një dorë. Financat do fillojnë të kenë goxha përmirësime, kjo falë masave që keni marrë, por edhe nga ndihma e disa të afërmve.