Ditën e sotme, në të gjitha institucionet e arsimit parauniversitar, nisi viti i ri shkollor 2023-2024, ku u ulen rreth 29 mijë nxënës, ndërsa në klasat e 10-ta afro 27 mijë.

Ditës së parë të shkollës iu bashkua edhe këngëtari i njohur, Luiz Ejlli.

Në një video të publikuar nga “Top Channel”, Luizi shihej teksa shoqëronte për në shkollë fëmijët e shtëpisë ‘Zyber Hallulli’ në Tiranë.

Mirëpo Luizi ka qenë protagonist edhe në detyrat që u janë dhënë nxënësve.

Ka qenë vetë këngëtari ai që ka ndarë një foto në Instagram, ku shihet teksa një nxënës e ka përfshirë në detyrat e tij të klasës, duke e përshkruar me karakteristikat që ka.

“Fillohet edhe kështu dita e parë”- ka shkruar Luizi krahas fotos së fletores së nxënësit.